silarluppoq
Illoqarfinni assigiinngitsuni silarlunnera silaannakkut angallannermut eqquivoq
Silarlunnera pissutaalluni sumiiffinni amerlasuuni silaannakkut angallannissat kinguartinneqanngikkunik marlunngorpamut kinguartinneqarput. Angallassinissat amerlanersaat marlunngorpamut nuutsinneqarput, Air Greenland ilisimatitsivoq
Nuummi illoqarfinnilu allani silarluppoq ataasinngornermi.
Taamaattumik silaannakkut angallassinerit amerlasuut unitsinneqarput.
Air Greenland ilisimatitsivoq.
- Sinerissami illoqarfiit arlallit siallerlutillu sakkortuumik anorlerput, kissatsittarluni qerinnarsisarlunilu - tamanna kitaani mittarffiit arlallit quatsernerinik kinguneqarpoq, Kangerlussuarmilu sermertiterluni. Sila atoruminarsiniariarpat timmisarsortorsuaq Danmarkiliarluni aallassaaq, Air Greenlandimi attaveqaqatigiinnermut ataqatigiissaarisoq, Katrine Hjelholt Nathanielsen, Sermitsiaq.AG-mut ilisimatitsivoq.
Ajornartorsiutit aamma allat
Angalanissamut paasissutissat nutarsarnissaat aamma Air Greenlandimit ajornartorsiutigineqarpoq. Ilaasussat mobiltelefonillit, normuilu Air Greenlandimit pigineqartut allannguutit pillugit smsikkut ilisimatinneqartassapput.
- Timmisartumik angallassinissat marlunngorpat ingerlanneqarnissaat pillugit qanoq maannakkut oqaaseqarfigisinnaavigit?
- Maannakkut tamanna oqaaseqarfigisinnaanngikkallarpara. Mittarfiit aamma sila apeqqutaasorujussuussapput aqagu qanoq issanersut, Katrine Hjelholt Nathanielsen akivoq.