arfininngorneq
Illoqarfinni assigiinngitsuni kulturikkut unnussiortitsisarneq iluatsilluartuuvoq
Kulturikkut unnussiorneq arfininngorpat januaarip 24-ani ingerlanneqassaaq. Qaanaamit Nanortalimmut aaqqissuussineq ingerlanneqassaaq
Nunatta Atuagaateqarfiani atuagaatilerisuuneq Elisa Jeremiassen sulisullu 2001-imi imaannaanngitsumik isumassarsipput: Arfininngornermi unnukkut inuit juullisioreersimallutik, ukiortaarsioreersimallutik januaarip talleruttornerani taartumi qaamanermik pisariaqartitsileruttorfianni Nuuk tamarmi innuttaasunut tamanut ammatitsissaaq.
Unnuk kulturisiorfik siulleq iluatsilluartorujussuuvoq.
Sermitsiaq allappoq:
- Aningaasat ikittuinnaat atorneqaraluartut Nuummi arfininngornermi unnukkut tamakkiisumik misigisaqartitsisoqarpoq.
Taamani kultureqarnermut naalakkersuisunut ilaasortaq Lise Skifte Lennert oqarpoq 'kulturi tassaasoq nalunagu sooq pitsaanerpaanik naammagisimaarinninnermik ileqqoq'.
Nuummi unnuk kulturisiorfik ukiuni 14-ini ingerlanneqartareersimavoq, siullermik 2011-mi ingerlanneqarluni. Arfininngorpat unnuk kulturisiorfiit 15-issaannit pisussatut pilersaarutigineqartut ima alutornartigipput, ajornartorsiut annerpaaq tassaanani ilassuteqaqqinnissaq, kisiannili ilanngaasariaqarneq.
Illoqarfiit kulturikkut unnussiortartut uku ingerlatilernikuuaat: Sisimiut, Aasiaat, Ilulissat, Paamiut, Qaqortoq, Narsaq, Nanortalik, Qasigiannguit, Ukkusissat, Upernavik, Qaanaaq, Ikerasak, Itilleq, Kullorsuaq, Maniitsoq, Saattut, Ukkusissat aamma Uummannaq.
Nuummi kulturikkut unnussiornissaq pillugu Nuuk Ugeavisimi atuarit. Aviisi akeqanngitsumik ataani aaneqarsinnaavoq: