Skip to main content

Illoqarfiit umiarsuarnit takornariartaatinit ornigarneqarnerulertut

Umiarsuit takornariataatit Nunatta illoqarfii amerlanerit tikittalersimavaat. Tamannalu takornariat amerleriarnerannik kinguneqarpoq.

Umiarsuit takornariartaatit Nunatsinnut tikikulanerulerput - tamannalu takoriat inuiaqatigiinnut iluaqusiinerunerannik aamma kinguneqassaaq.

Tassa ukiuni kingullerni takornariat amerliartorusaarnerisa kingunera.

Takornariammi 2015-miit 20016-mut illoqarfinnut ataasiakkaanut tikittartut malunnaatilimmik amerleriaateqarsimapput, naak umiarsuit takornariartaatit Nunatsinnut tikittartut amerlassusaat allannguuteqarpallaarsimanngikkaluartut.

Tamatumunnga pissutaavoq ukiut siuliinut sanilliullugu umiarsuit takornariartaatit kalaallit nunaanni illoqarfiisa ilaannut amerlanersunik tikikulanerulersimanerat, Visit Greenlandimi pisortaanerup tullia, Anders la Cour, Sermitsiaq.AG-mut nassuiaatigaa.

Umiarsuit Kalaallit Nunaannut imaluunniit Kalaallit Nunaannut Canadamulli tikikulanerulernissaminnik siunertaqarnerat tamatumunnga pissutaaqataavoq.

Kalaallit Nunaannukartarneq

Siornatigut Atlanikup avannarpasissuanut ingerlaarnerminni Kalaallit Nunaanni umiarsualivik ataasiinnaq aqqusaarneqartarsimangaluarpoq.

- Issittoq soqutigineqaleraluttuinnarpoq, tamannalu piumaneqarnerulerneranik kinguneqarpoq, Anders la Cour Vahl oqarpoq.

Kangiani qaffariaat

Tikikulanerilernerit saniatigut umiarsuit Kalaallit Nunaannut tikittartut annikitsumik qaffariaateqalaarsimapput.

Tamanna nunap immikkoortortaqarfiini tamani takuneqarsinnaavoq. Tamannalu Nuummi malunnaateqarnerusimavoq, 2015-mimi umiarsuit tikittut 9.951-pput 2016-milu 13.810-llutik. (faktaboksi takujuk)

Tunumilu tullertut malunnaateqarnerpaasimavoq, tassani 3.236-niit 5.887-nut qaffariaateqarsimangamik.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER