Skip to main content

Illoqarfiit tallimat misiligutinik maskinaqalerput

Namminersorlutik Oqartussat misiligutinut atortorissaarutissatut maskiinanik tallimanik nutaanik pisipput, taakkulu Covid-19-imik tunillatsittoqarsimaneranik misissuinermi sukkanerusumik akissutissarsissanganissamut iluaqutaassapput.

Taakku maskiinat periusissiaq naapertorlugu Qaqortumi, Sisimiuni, Aasianni, Ilulissani Tasiilamilu inissinneqassapput, taakkunanngalu sisamat atulereerput.

Namminersorlutik Oqartussat tusagassiutinut nalunaarummi allapput.

- Namminersorlutik Oqartussat misiligutinut atortorissaarutissatut maskiinanik tallimanik nutaanik pisipput, taakkulu Covid-19-imik tunillatsittoqarsimaneranik misissuinermi sukkanerusumik akissutissarsissanganissamut iluaqutaassapput, nalunaarutigineqarpoq.

Allanut misiligutaasinnaasut

Peqqissaavinni sulisut maskiinanik ikkussuinerup nalaani maskiinat piginnaasaat pillugit pikkorissarneqareerput. Taakku maskiinat nutaat teknikki aalajangersimasoq atorlugu misiligutit amerlasuut sivikitsuinnarmik misissoqqissaarsinnaavai. 

- Siunissami taakku misiligutinut maskiinat assersuutigalugu nualluutinut misissuutigineqarsinnaassapput, ilisimatitsissutigineqarpoq.

USA-mi pisiarineqartut

Namminersorlutik Oqartussat atortorissaarutit Amerikami suliffeqarfimmit Cepheid-imit pisiaraat. 

Amerikamiut Nunanut allanut ministeriaqarfiat aamma Københavnimi Amerikamiut Aallartitaqarfiat ikiortigalugit pisiarineqarput, ilanngullugu Kalaallit Nunaata Washington, D.C.-mi Sinniisoqarfiat.

Nuummi april 2020-mili Covid-19-imut laboratoriami misissueqqissaartoqarsinnaalereerpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER