Siorarsiorfik

Illoqarfiit pingaarnersaannut pilersaarut: Sullorsuaq taamaatinneqarpoq

Qaqqap Ukkusissap nalaatigut 1 kilometerimik isorartutigisumik sullorsualiornissaq taamaatinneqarpasippoq. Sullorsuaq Nuup illoqarfittut ilassaanut Siorarsiorfimmut atassuteqaataalertussaangaluarpoq.

Siorarsiorfimmi inissialiorfissamut sullorsualiortoqarnissaa qularineqarpoq.

Suliniutip februarimi saqqummiunneqarneraniit aaqqissutissamik allamik – aqqusinniornermik – sulissuteqartoqartoq, kommunaldirektøriungallartup Lars Møller-Sørensenip Aningaasaqarnermut Inuussutissarsiuteqarnermullu Ataatsimiititamut saqqummiussaani erserpoq.

Aamma atuaruk: Nunatsinni inissialiornissamut pilersaarutit annersaat allanngortinneqarpoq – navianartoqarpallaarunnaarpoq

Kommunip nassuerutigingunarpaa sullorsualiorniornisaq qaartitserilluni aqqusinniornermiit akisuallaassasoq.

Aningaasaqarnermut Inuussutissarsiuteqarnermullu Ataatsimiititami politikkerit tamanna inissialiornissarsuarmut pilersaarummi aaqqissutissatut aalajangiuffigisassaasa ilamininnguaraat.

Aamma atuaruk: Nunatsinni inissialiornissarsuarmut pilersaarutigineqartut suli annertoorujussuupput

Kommunaldirektøriungallartoq Lars Møller-Sørensen itisiliitillugu oqaaseqartissinnaasimanngilarput.

Powered by Labrador CMS