Illoqarfiit pingaarnersaanni sullorsuaq ajornartorsiutigineqartoq
Nuummi sullorsuaq ullaakkut ualikkullu angallaffiunerpaaffimmi nalinginnaasumik iluaqutaasaraluarpoq, ullunili kingullerni atortorissaarut ajoquteqarsimavoq, biilertullu nalinginnaasumit amerlanerusut sullorsuakkoorniarlutik tulleriiaattariaqartarsimapput.
Nuummi innuttaasut arlallit industrivejip Nuussuullu akornanni sullorsuup angallaffiunerpaaffimmi siumuinnaq aqqutigineqarsinnaannginnera tupigusuutigisimavaat. Ajornartorsiuteqarnermut teknikkikkut ajoquteqartoqarnera pissutaavoq, kommunimilu ingerlatsinermut immikkoortortaqarfik tamanna aaqqiiffiginiarlugu suliaqarluni.
Siumuinnaq ingerlanissamut aquut SIM-korti ikiortigalugu ingerlanneqartarpoq, taannali maannakkut ajoquteqartoq, kommunimi attaveqartarnermut immikkoortortaqarfik ilisimatitsivoq.
-Nuummi ullaakkut ualikkullu sullorsuakkut ingerlasoqaqqittalersinniarlugu, qulliup automatiskimik ingerlasartup aaqqiiffigineqarnissaa tamaviaarluni sulissutigineqarpoq.
Atortorissaarutilli ingerlaqqilernissaanut piffissaq sivisunerusoq suli ingerlasinnaasoq nalunaarutigineqarpoq.
- Avataanit aqunneqarneranut kingoraartissanik pisariaqartitsisoqartoq paasinarsissappat, siumuinnaq ingerlaartarfik piffissami sivisunerusumi inunnit aqunneqartariaqassaaq.
Taamatut pisoqassappat, piffissami pilersaarutaasumik siumuinnaq ingerlasoqartarnissaa neriorsuutigineqarsinnaanngilaq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...