Illoqarfiit pingaarnersaanni akiuussutissalersuisarneq allamut nuunneqartoq
Nuummi akiuussutissalertikkiartortut tulleriiaattarunnaassapput. Taamaammat akiuussutissalersuisarneq Nuummi peqqissaavimmut nuunneqarpoq.
Nuummi innuttaasutut coronavirusimut akiuussutissalertissaguit Dronning Ingridip Napparsimmavissuaniittumi nakorsiartarfimmi akiuussutissalerneqassaatit.
Coronamut sulisoqatigiit tusagassiorfinnut nalunaaruteqarlutik ilisimatitsipput.
- Nuummi Covid-19-imut akiuussutissalersuineq sumiiffinni arlalinni ingerlanneqartarsimavoq, maannalu akiuussutissalertikkusuttut tulleriiaattarunnaarmata, akiuussutissalersuisarneq Dronning Ingridip Napparsimmavissuaniittumi nakorsiartarfimmut nuunneqarpoq, coronamut sulisoqatigiit ilisimatitsipput.
Innuttaasut sapaatip akunnerani matumani akiuussutissalertikkusuttut marlunngornermi pingasunngornermilu ualikkut sisamaniit tallimap tungaanut nakorsiartarfiliarsinnaapput.
Siunissami akiuussutissalersuinissat ataasinngornermiit sisamanngornermut piffissami pineqartumi ingerlanneqartassapput, coronamut sulisoqatigiit ilisimatitsipput.
Inuit pingasuugaangata marluk akiuussutissalerneqartartut
Nunatsinni Nakorsaaneqarfiup septembarip qaammataata naanerani ilisimatitsissutigaa, innuttaasut aqqaneq-marluleereersimasut 66,2 procentii marloriarlutik akiuussutissalerneqarsimasut. Taamanikkut nunami akiuussutissaleneqarsimasut agguataarnerannit amerlanerulaartut akiuussutissalerneqarsimallutik.
- Peqqinnissatigut oqartussat akiuussutissalerneqarnissamut akuersaartoqarnissaanik inassuteqarput, akiuussutissat tunillatsinnissamut illersuutaanerpaammat aamma akiuussutissalerneqarsimasut Covid-19-imik napparsimarujussualersinnaanerannut illersuutaammat. Akiuussutissalerneqarsimasut amerliartortillugit, tunillatsittartut ikiliartorlutillu tuniluuttoqarnera aqunneqarsinnaanerussaaq, sulisut ilisimatitsipput.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...