Illersuisuusartut amigaataasorujussuusut
Piffissami killiligaanngitsumi parnaarusimaneqartussatut pineqaatissinneqarsimasut Nuummi parnaarussivimmut nutaamut nuunneqartussat Danmarkimi illersuisorisaminnik illersuisoqaannarsinnaassapput, Kalaallit Nunaanni amigaataaqimmata
Anstalten ved Herstedvesterimi piffissami killiligaanngitsumi parnaarusimaneqartussatut pineqaatissinneqarsimasunit 29-nit arfineq-pingasut Nuummi parnaarussivimmut nuunneqarnissaminnut akuersisimapput. Taakkua tamarmik illersuisoqarpoq, Københavnimi Kalaallit Illuutaannit taakkununnga pissarsiarineqarsimasunik, taakkualu Kalaallit Nunaannut nuunneqarunik illersuisutik tigummiinnarsinnaassavaat.
Oqarasuaatikkut
Piffissami killiligaanngitsumi pineqaatissinneqarsimasut illersuisuminnut oqarasuaatikkut attaveqartassapput. Tamanna Københavnimi Kalaallit Illuutaanni illersuisoqarnermut ataqatigiissarisup Susanne Jensenip isumaqatigiinniarnikkut angusimavaa, tamanna Kalaallit Nunaanni Politimestereqarfimmut, Kalaallit Nunaanni illersuisuusartunik pissarsiortartussamut, isumaqatigiissutigisimallugu.
– Nalunngilarput illersuisuusartumik pissarsiniartarneq ajornarluinnangajattoq. Taamaattumik eqqarsarsimavunga, parnaarussat sumiiffimmut nutaamukartussanngormata taamatut aaqqissuussigallarsinnaasugut. Tassami inuit Kalaallit Nunaaliartinneqartussat qanorluunniit isumaqarfigigaluaraanni taakkua torersumik pineqartussaapput. Ullumikkut taakkununnga illersuisuusartuusut ilisarisimavaat ilaallu ukiuni arlalinni ilisarisimasimallugit, Susanne Jensen ilaatigut aviisimut oqarpoq.
Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq: