Skip to main content

Illersuisunik pisariaqartitsineq annertooq

Ukiaru illersuisutut ilinniagaq nutaaq aallartissaaq. Tamannalu pisariaqartinneqarluarpoq.

Illersuisuuneq Finn Meinel marsip aallartinnerani atorfinitsinneqaramili ulapilerpoq.

Ukiamummi illersuisutut ilinnialertussat siulliit aallartikkusuppai.

- Illersuisunik nutaanik ilinniartitsinissaq annertuumik pisariaqartinneqarpoq, Finn Meinel Sermitsiaq.AG-mut oqarpoq.

Illersuisummi arlallit atorfitsik qimannikuuaat imaluunniit aallarnikuupput, taamaalillutillu illersuisut nungukkiartorput.

- Illoqarfiit ilaat illersuisoqanngillat, tamannalu akunnakusoornartorujussuuvoq, Finn Meinel oqarpoq.

Ilinniakkap aaqqissuussaanera inissingajalersoq
Taassuma ilinniakkamut ilinniarnerup aaqqissuussaanera suliarileruttorpaa, illersuisuunerup taanna qitiusumik suliaasa ilagaat.

Aaqqissuussaq tusarniaassutigineqassaaq, tassanngaanniillu akuerineqassalluni. Ilinniartut siulliit ukiaru aallartinnissaat Finn Meinelip naatsorsuutigaa.

Ilinniagaq pilersaarut malillugu ulluni qulini aallarniutaasumik aallartinneqassaaq, tassanilu aamma ilinnialertussat suliassamut naapertuunnersut nalilerneqassalluni.

Tamatuma kingorna ilinniarneq pikkorissarnermik aallartissaaq, tamatuma kingorna suliffimmik misiliinertaqarluni aamma pikkorissarnermik misilitsinnermillu naggaserneqassalluni.

- Tamarmik ingerlalluariarunik illersuisut nutaat ukiup tulliata naanerani naammassissapput, Finn Meinel oqarpoq, soqutiginnittut tassunga attaveqarsinnaasut taassuma maluginiaqquaa.

Illersuisut marluk nutaat piareertut
Pitsaasumilli ingerlajartortoqalereerpoq. Illersuisut marluk nutaat Kalaallit Nunaanni Eqqartuussivimmi eqqartuussisumit akuerineqaqqammerput.

Cand.jur. Christina Johnsen, Sisimiut, aamma eqqartuussissuserisoq Matias Røjle Bruun, Nuuk, illersuisutut misilitsinnerminni angusipput, taamaalillutik pinerluttunik suliani illersuisuusinnaalerput. Taakku marluullutik inatsisilerinermik ilinniagaqartuugamik aamma eqqartuussinernik misilittagaqarlutik ilinniartariaqarsimanngillat.

Aamma atuaruk: Finn Meinel illersuisuuninngorpoq

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER