Skip to main content

Illersornissaqarfiup Kangerlussuarmut pilersaarutaa pillugu tusarniaanissaq kinguartinneqartoq

Danskit illersornissaqarfiata Kangerlussuarmut pilersaarutai pillugit isumasioqatigiinnissaq sapaatip-akunnerinik pingasunik kinguartinneqarpoq. Aaja Chemnitz Larsen ugguarpoq.

Qallunaat illersornissaqarfiata siunissami Kangerlussuarmi mittarfiup qanoq atornissaanik kissaateqarnera pillugu, sapaatip-akunneri pingasut qaangiuppata paasissutissanik pissarsiffigissavarput. Tassami illersornissamut ministerip Tine Bramsenip (S) isumasioqatigineqarnissaa maanna marlunngornermit, aggustip 24-annit septembarip 12-annuunnguatsiarpoq nuunneqarpoq. Ullorsiutinik kukkusoqarnera tamatumunnga pissutaavoq, Kalaallit Nunaat pillugu ataatsimiititaliami siulittaasoq, Aki-Matilda Høegh-Dam (S), Sermitsiamut taama ilisimatitsivoq.

- Isumasioqatigiinnissaq ullormut tassunga inissinneqarsimaoq malugisimanngilara. Taamaattumik ulloq taanna Siumumi ataatsimiinnissamik isumaqatigiissuteqarnikuuvunga, taanna Sermitsiaq.AG-mut oqarpoq.

Siumup immikkoortoqarfiisa kingusinnerpaamik arfininngornermi Siumup siulittaasuanut Kim Kielsenimut tatiginnikkunnaartoqarneranut isummerfissaata kingorna ataatsimiinneq inissisimavoq.

- Siulittaasutut tusarniaanermut aamma Kalaallit Nunaat pillugu ataatsimiititaliap ataatsimiinneranut siullermut ilaanissara pingaaruteqartoq isumaqarpunga. Illersornissamut ministeriaqarfik septembarip 12-anni piffissaqartoq nalunaarmat, sapaatip-akunnerini pingasuni kinguartitsineq akuersaarneqarsinnaasoq isumaqarpunga. Sivisunerusimasuuppat soorunami allanngortitsisimassagaluarpunga, Aki-Matilda Høegh-Dam oqarpoq.

Aaja erseqqissaasoqarnissaanik kissaaneqarpoq

Aaja Chemnitz Larsen (IA) illersornissamut ministerip suliaq pillugu isumasioqatigineqarnissaanut qinnuiginnittuusoq, isumasioqatigiinnerup kinguartinneqarnera uggoraa.

- Isumaqarpunga tulluanngitsoq, suliaq erseqqissassallugu nukinginarluinnartuuvoq. Minnerunngitsumik Kangerlussuarmi aamma Sisimiuni innuttaasut sumi inissisimanertik paasissallugu piumasaqarput, taanna oqarpoq.

Aaja Chemnitz Larsenip (IA) isumasioqatigiinnissaq piumasarimmagu, taamani Claus Hjort Frederiksen (V) illersornissamut ministeriuvoq. Qallunaat illersornissaqarfiata Kangerlussuup suli atorneqarnissaa soqutigalugu oqaatiginikuuaa – Nuummi aamma Ilulissani mittarfiit piareernerisa kingorna aamma. Kisianni folketingimut qinersisoqarnera pissutigalugu isumasioqatigiinnissaq siullermik kinguartinneqarpoq.

Ullumikkut illersornissamut ministeri Tine Bramsenimik (S) ateqarpoq, naalakkersuisullu allanngornerisa isumasioqatigiinnissaq suli saqqumilaarsinneruleraa Aaja Chemnitz Larsen (IA) isumaqarpoq.

- Partiit talerperliit assigalugit Socialdemokraatit naalakkersuisut Kangerlussuaq pillugu assinginik pilersaaruteqarnersut paasisariaqarparput.

Qinigaarlaap ataatsimiititaliami siulittaasup Aki-Matilda Høegh-Damip (S) isumasioqatigiinnermit taamaatinneqartumit misilittakkat sulinermini tiguniarpai.

- Ullorsiutit ataqatigiissarneqarnerinut pikkorinnerusariaqarpugut, taanna oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER