Skip to main content

Illersornissaqarfik qarasaasitigut sakkutuunik pilersitsiniartoq

Nutaamik sorsuttariaaseqalernerata malitsigisaanik Illersornissamut ministereqarfik misileraataasumik qarasaasiatigut sakkutuunik pilersitsiniarpoq

Pilersaarutaavoq inuit 30-t misileraanermi peqataatinneqassasut, tamannalu illersornissamut ministerip Claus Hjort Frederiksenip (V) ukiumi nutaami pinissaa naatsorsuutigaa. 

- Takoreerparput attavilersuutit qanoq iliornikkut unitsinneqarsinnaanersut, russit innaallagiamik agguaasinerup unitsitsisinnaanerat, aammalu sumiissusersiornerup ajornarnerulersinniarlugu gps-nik attaveerutsitsinerit misigereerlutigit.

- Taama pisoqartuaannarpoq, Illersornissaqarfillu ullut tamaasa misissuiffigineqarniarluni saassunneqartarpoq, taanna oqarpoq.

Sorsoriaatsit sisamaat

Sorsuunnerit assigiinngitsut pingasut oqaluuserineqartarput: nunakkut, imaatigut kiisalu silaannakkut. 2016-imilu qarasaasiatigut sorsuunnerit sisamaattut oqaatigimmassut, sakkutuut qarasaasiatigut piginnaasaqalernissaat piumasaqataalersoq, ministeri isumaqarpoq.

Suullu piumasaqataassanersut suli iluamik inissinneqanngillat. Ministerilli naatsorsuutigaa, qaammatinik sisamanik tunngaviusumik sakkutuutut ilinniagaqarnermik kiisalu qarasaasiatigut immikkut qaammatini arfineq-pingasuni ilinniagaqarnissamik piumasaqaatitaqassasoq.

- Tamanna piviusunngorumaarpoq, qularutiginngilaralu pilersinneqaruni ataavartumik ingerlanneqalerumaartoq, Claus Hjort Frederiksen oqarpoq.

Suliniut Dansk Folkepartimiit aamma Socialdemokratiinit isumaqatigaaffigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER