Illersornissamut ministeri: Silaannakkut nakkutilliinerup pitsaanerulersinneqarnissaa qulakkeerneqassaaq
Issittumi illersornissaq pitsaanerulersinniarlugu nakkutilliineq oqaloqatigiinnerlu pingaarutilipilussuupput. Danmarkimi illersornissamut ministeri Sermitsiaq.AG-mut oqarpoq.
Kalaallit Nunaata silaannakkut nakkutigineqarnerata ullumikkumut sanilliullugu pitsaanerusinnaaera kialluunniit nalunngilaa.
Københavns Universitetimi Center for Militære Studierimi sakkutooqarnermik misissueqqissaartartoq, Hans Peter Michaelsen ilaatigut Altinget.dk-mi allappoq imatu nakkutilliisoqanngitsoq.
-Kalaallit Nunaata silaannartaani radari tamakkiisumik atorneqarsinnaanngilaq, taamaammat nunat allamiut silaannarmi ingerlatsinerat, satellitsit kalerrisaarullu sakkutuut timmisartuminni atortagaat aqqutigalugit nakkutigineqartariaqartarput, ilisimasalik oqarpoq.
Pisariaqartitsinerup misissoqqissaarneqarnera
Tamannalumi iliuuseqarfigineqassaaq. Danmarkimi illersornissamut ministerip Trine Bramsenip (S) Sermitsiaq.AG-mut oqaatigaa, attaveqaatit allallu ikiorsiortigalugit, Kalaallit Nunaata silaannartaani oqartussaaffimmik, ullumimut sanilliullugu pitsaanerusumik nakkutilliisarnissap qanoq qulakkeerneqarsinnaanera pillugu misissuisoqartoq.
- Silaannakkut nakkutilliinitta pitsaanerulersinneqarnissaaq qularutigineqassanngilaq. Pisariaqarttitat suunerut misissoqqissaarneqarput. Tamatumunnga 1,5 milliarder koruunit atugassanngortinneqarsimapput. Sumorpiarli atorneqassanersut misissuiffigeruttulerparput, illersornissamut ministeri oqarpoq.
Hans Peter Michaelsen naapertorlugu ullumit taamaallaat atorneqartarput, Islandip eqqaani radarikkut nakkutilliineq kiisalu Canadap nunavittaa aamma Sakkutuut imarsiortut angallataat.
Atortorissaarutit arlalinnut atorneqarsinnaasut
Radarilli kisimik pitsanngorsaaffigineqartussaanngillat, ministeri erseqqissaavoq. Teknikkikkut atortorissaarutit nutaat ilapittuutaasinnaapput assigiinngitsunullu atorneqarsinnaallutik.
- Teknikkikkut atortorissaarutit tamatumannga qulaajaasinnaasut soqutiginartuupput. Satellitseqarpoq nakkutigisassat ilaannik nakkutilliisinnaasuik, tassa isummannaallisaaneq eqqarsaatigalugu aammali umiarsuit ajornartorsiorneranni ikiuussinnaasunik, Trine Bramsen oqarpoq.
Taassuma neriuutigaa, satellitsikkut assilisat pitsaanerusumik atorneqarsinnaalissasut.
- Siunertaavoq assit, ulluni 14-ini utaqqeqqaarnahit, ingerlaannaq atorneqarsinnaalernissaat, taanna oqarpoq.