Skip to main content

Illersornissamut ministerip Kalaallit Nunaat illersornissamut politikkimi peqataanerulersinniarpaa

Danmarkimi naalakkersuisut naapertorlugit ukiuni aggersuni Illersornissaqarfiup Issittumiinnerulernissaanut pisariaqartitsisoqarpoq.

Kalaallit Nunaat aamma Savalimmiut illersornissamut politikkimi ingerlanneqartumi ullumernit annerusumik peqataatinneqartalissapput.

Illersornissamut ministeri Trine Bramsen (S) taama isumaqarpoq, Danmarkip Issittumi suliaqarnera nukittorsarniarlugu taanna suliniutinik arlalinnik aallartitsiniarpoq.

- Illersornissamut politikkimi apeqqutinut tunngasunik, Kalaallit Nunaat aamma Savalimmiut qaninnerusumik aamma akuttunngitsumillu oqaloqatigisassavagut, Trine Bramsen tusagassiuutinut nalunaarummi oqaaseqarpoq.

Trine Bramsenip nunanut allanut tunngasunut naalakkersuisoq Ane Lone Baggeri peqatigalugu suliassaqarfik suleqatigiinnerulernikkut ilinniartitaanikkullu nukittorsarniarpaat.

- Kalaallit Nunaanni aamma Savalimmiuni atorfilittat isumannaallisaanermut politikkimut tunngasunut apeqqutinut piginnaasanik ineriartortitsinissaannut periarfissikkusuppakka, Illersornissamut ilinniarfimmut ammaasinikkut.

- Tamatuma saniatigut kalaallit qatserisartut upalungaarsimanermut ilinniaqqinnissaannut pisariinnerulersitsinermik neqerooruteqarusuppunga.

Naalakkersuisup Ane Lone Baggerip aamma qanimut oqaloqatigiinnerulernissaq kissaatigaa, kiisalu ilinniarfiit pitsaassusaasa kivinneqarnissaat.

- Illersornissamut ministeriaqarfimmik suleqateqarnerput pitsaareersoq aamma ilinniartitaanerup ilanngunneqarnera nuannerpoq. Kalaallit Nunaanni ajutoornerit aamma ajunaarnersuit suliarissallugit aamma immikkuullarissuuvoq. Taamaattumillu ilinniakkat tassunga immikkut tunnganissaat pisariaqartinneqarpoq. Kalaallit Danmarkimi upalungaarsimanermut ilinniartut qimuttuitsunik ajutoortuinik ilinniarnissaq pisariaqartinngilaaq, taarsiullugu ikuallattut, annaassiniaanerit, qarsutsinerit aamma umiarsuit ajutoornerannik suliaqarnissamut sungiusarneqarnerussapput, Ane Lone Bagger, tusagassiuutinut nalunaarummi oqarpoq.

- Upalungaarsimanermut ataatsimut sungiusarnerit Illersornissaqarfiup Kalaallit Nunaanni ingerlatai Naalakkersuisunit nuannaarutigisorujussuuagut. Qallunaat kalaallillu upalungaarsimasut aamma Illersornissaqarfiup ataatsimut sungiusaqatigiittarneri amerlanerutikkusuppagut, taamaalilluta ataatsimoorluta ajutoornerit ajunaarnersuillu suliarinissaannut piareersimanerussagatta.
Tusagassiuutinut nalunaarummi atuarneqarsinnaavoq, inissisimaneq pillugu politikkip pingaaruteqassutaata annertusiartornera pissutigalugu, Issittoq ”Illersornissaqarfiup peqataanerulernerata nukittorsarneqarnissaa taamatut ineriartortoqarnerani qisuariarnissaq pissusissamisoortoq”.

Kisianni Issittumi aamma Atlantikup Aavannaani peqataanerulerneq illersornissamut ministerip qanorpiaq kissaateqarfigineraa, tassani oqaatigineqanngilaq.

Kisianni Danmarkimi naalakkersuisut Issittup ”eqqissisimasuunissaa” attatiinnarneqassasoq kissaatigaa, tusagassiuutinut nalunaarummi tamanna oqaatigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER