Skip to main content

Illersornissamut ministeri Kangerlussuaq pillugu: Illersornissaqarfiup timmisartuutaasa millutillu qangattarsinnaanissaat aallaaviuvoq

Illersornissamut ministeeriaqarfik illersornissaqarfiup timmisartoqarfimmik pisariaqartinneqartumik atuinissaata saniatigut Kangerlussuarmi aningaasaliissuteqarniarpasinngilaq

Illersornissamut ministeri Trine Bramsen (Soc) ataasinngorpat marlunngorpallu Kalaallit Nunaanniippat Kangerlussuaq oqaluuserineqarnianngilaq.

Ataasinngorpat Nunanut Allanut Naalakkersuisoq Ane Lone Bagger (S) Attaveqaqatigiinnermullu Naalakkersuisoq Karl Frederik Danielsen (S) ataatsimeeqatigissavai. Pingaartumik kingullertut taaneqartoq ataatsimeeqatigileruniuk timmisartoqarfiup siunissaa oqaluuseriniarpaa.

- Illersornissaqarfiup Kangerlussuarmik atuiinnarnissaa pillugu siunnerfimmik nalunaarut atsioreernikuuarput. Maanna Kalaallit Nunaanni suleqatikka peqatigalugit qanoq alloriartoqassanersoq oqaluuserissavarput, Trine Bramsen (Soc) Sermitsiaq.AG-mut oqarpoq.

Siunnerfeqarnermik nalunaarummi Kangerlussuarmi nutarterinissaq ingerlatsinissarlu kiap akilissanerai allassimanngilaq. Trine Bramsenilli kingusinnerusukkut erseqqissaatiginikuuaa, mittarfimmik nutarterinissamut aserfallatsaaliinissamullu tunngatillugu 'illersornissaqarfiup akisussaaffissani ilisimaarigai'.

Tamatuma kingorna oqaluuserineqarsimavoq, illersornissaqarfik qanoq annertutigisumik akiliuteqarteqarnissamut piareeqqanersoq.

- Kan man forestille sig, at forsvarsministeriet betaler for mere end det der er nødvendigt for forsvarets brug af Kangerlussuaq?

- Kangerlussuarmi aningaasaliissuteqarnissamut Illersornissaqarfiup Kalaallit Nunaanni suliassaminik naammassinnissinnaanera aallaaviussaaq, tassa qulakkiissavarput Illersornissaqarfiup timmisartuutaasa qangattarlutillu missinnaanissaat. Ataatsimeeqateqaraangamali siutikka tamaasa atorlugit tusarnaartuaannarpunga. Taamaammat kalaallit suleqatimma kissaataat oqaaseqaatigisinnaasaallu tusarnaassavakka, illersornissamut ministeri Trine Bramsen (Soc) oqarpoq.

Kangerlussuarmut tunngatillugu immikkuualuttut tamarmik, taakkununnga ilanngullugu inuinnaat atuisinnaanerisa inissinneqarnissaannut ukioq ataaseq sivisunerusorluunniit ingerlassasoq naatsorsuutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER