Ilivileq Arctic Prime Fisheriesip pisassaannik aalisartoq
Umiarsuillu nalunaarsuiffianit Arctic Prime Fisheriesip piginnittaa nutaaq akuerineqarsimanngilaq.
Qaammatit pingasungajaat matuma siornagut Brimimit umiarsuup naalagaata Páll Thórir Rúnarssonip aquttullu Gudmundur Kristjánssonip Spaniami Gijónimi umiarsualiorfimmit Astilleros Armonimit kilisaat qerititsisartoq nutaaq Ilivileq pigilerpaat.
Umiarsuaq Atlantikup avannaani kilisaatit akisunersaralugulu nutaaliaanersarigaat nalilerneqarpoq. Umiarsuaq Reykjavikiliaappaat, Islandimi Brimip qullersaqarfianut. Kilisaat juunip qaammataata naaneranli Arctit Prime Fisheriesip Tunumi pisassaanik saaarullinnialersimavoq.
Ilivileq Islandimi ingerlatseqatigiiffissuup Kalaallit Nunaanni ingerlatseqatigiiffianit Brim Shippingimit pigineqarpoq. Sulili paasineqanngilaq qaqugu Kalaallit Nunaanni aalisarnermik ingerlatseqatigiiffimmit Europami aalisarnermik ingerlatseqatigiiffiit annersaasa ilaannit Brimimit kilisaatip nutaap pigineqalernissaa inissivissanersoq.
Nalunaarummik tigusaqartoqarsimanngitsoq
Arctic Prime Fisheriesip Ilivilermik piginnittuulernini Søfartsstyrelsenip ataani Dansk Skibsregisterimut (DAS) nalunaarsornissaa suli aaqqissimarpasinngilaa.
Kalaallit Nunaanni umiarsuit inuussutissarsiornermi atorneqartut Dansk Skibsregisterimilu nalunaarsorsimasut allamit pigineqaleraangata tamanna tamatigut umiarsuit nalunaarsuiffianut nalunaarutigineqartassaaq. Nalunaarsuiffiullu nalunaarneq akuerisussaavaa.
– Umiarsuarmut tunngatillugu nutaamik piginnittoqalerneranut nalunaarummik tigusaqarsimanngilagut. Maannakkut piginnittutut nalunaarsorneqarsimasoq tassaavoq Brim Shipping ApS. Maluginiaqqussavarali soorunami nalunaarummik takkuttoqarsinnaasoq, Søfartsstyrelsenimi umiarsuarnik nalunaarsuiffimmi siunnersortaaneq cand.jur. Mette Stensby Lange Sermitsiamut mailimi oqarpoq.
Aviisimi Sermitsiami paasisaqarnerugit. Ugguuna iserfigisinnaavat: