Oqaatsit ulluat

Ilitsoqqussaralugu oqaatsit ulluat malunnartinneqassaaq

Ilitsoqqussaralugu oqaatsit ulluat tallimanngorpat nunani assigiinngitsuni malunnartinneqassaaq - ilaatigut aamma Nuummi Nanortalimmi, Qaqortumi, Narsami Qasigiannguanilu malunnartinneqassalluni


FN-ip ilinniartitaanermut, kultureqarnermut, attaveqatigiinnermut ilisimatusarfiatalu Unesco-p ilitsoqqussaralugu oqaatsit nunarsuatsinni malunnartissavaa tallimanngorpat februaarip 21-ani.

Nunatsinni Ilimmarfimmi nuummi taanna malunnartinneqassaaq, Oqaasileriffik aaqqissuisoralugu.

Ukioq manna Unescop Ilitsoqqussaralugu Oqaatsit Ulluanut atatillugu qulequtsiussaa
tassaavoq ’Najugarisami oqaatsit ilisimatusarnerlu.’

- Unnuk assigiinngitsunik pisoqarfiussaaq, taallanik atuaasoqassaaq, torlussortoqassaaq, Tunumiut ileqqorsuutaannik takutitsineqarluni, oqaatsinik allanertanik atuisunit saqqummiineqarluni, soorlu Indonesiamiusut, norskisut, Savalimmiormiusut,
kiniiserisut Belgiamiusut ilaallu ilanngullugit. Aammalu qarasaasiakkut kalaallisut atuffassissut tusaatinneqassalluni, Oqaasileriffik nalunaarpoq.

Ilitsoqqussaralugu oqaatsit ulluat atatillugu Oqaasileriffimmi nalunaaqutaq 19.00-imiit 21.15-imut malunnartitsisoqassaaq.

Illoqarfinni Nanortalimmi, Qaqortumi, Narsami Qasigiannguanilu aamma aaqqissuisoqassaaq.

Talerpiata tungaani Nuummi aaqqissuussineq qanoq ingerlanneqarsanersoq takuneqarsinnaavoq

Powered by Labrador CMS