Ilitsersuut: Uummannami imeq imatut atorsinnaavat

Nukissiorfiit Nunatsinnilu Nakorsaaneqarfik Uummannami innuttaasut imermik uuliamik mingutsinneqarsimasumik qanoq atuisarnissaannik ilitsersuusiorsimapput

Uummannami imermut klorimik akoorineq pissusissamisut ingerlaqqilerpoq. Taamaattumik Nukissiorfiit aamma Nunatsinni Nakorsaaneqarfiup Uummannami imermik atuisinnaanermut
tunngatillugu periarfissanik erseqqissaateqarniarput:

Inuutaasunut toqqaannartumik imermik pisartunut atuuttut makkuupput:

Angerlarsimaffinni imermik toqqaannartumik pisartunut imeq kuuffimmeersoq makkununnga atorneqarsinnaavoq:

imminut eqqiluisaarnermut

tisanik errorsinermut

assaat errornerannut

eqqiaanermut

erruinermut

perusuersartarfimmi kuutsitsinermut

Imermut kuuffik uuliamik mingutsitsinerup paasineqarneraniilli atorneqarsimanngippat, taava imeq atorneqalersinnagu sivisulaartumik kuutseqqaarneqartariaqarpoq. Imermi uuliasunni
naamaneqarsinnaappat, imaluunniit uulia imermi takuneqarsinnaappat, taava Nukissiorfiit attaveqarfigineqartariaqarput.

Erngup maqinneqarsinnaasup imerneqarnissaa, nerisassiornermut imaluunniit kigutigissarnermut atorneqarnissaa inassutigineqanngilaq. Laboratoriamit misissuinerit erngup
minguitsunngorsimanera uppernarsiniariarpassuk, taava imermik pilersuineq ammaqqinneqassaaq.

Innuttaasunut namminneq imermik tankimik pigisaqartunut atuuttut makkuupput:

Imeq inuit angerlarsimaffiini tankiinut septembarip aqqarngata siornatigut immiunneqarsimaguni taanna mingutsinneqanngilaq, nalinginnaasumillu atorneqarsinnaalluni.

Inuit angerlarsimaffiini imermut tankimut imeq septembarip aqqarngata kingornatigut immiunneqarsimappat, imeq makkununnga atorneqarsinnaavoq:

atisanik errorsinermut

assaat errornerannut

eqqiaanermut

perusuersartarfimmi kuutsitsinermut

Imeq taanna imissallugu, nerisassiornermut atussallugu, inuttut eqqiluisaarnermut imaluunniitkigutigissarnermut atussallugu naleqqutinngilaq.

Nukissiorfiit tamatumunnga ilanngullugu ilisimatitsissutigaat imermik imerneqarsinnaasumik aallerfigisinnaasat arfiniliummata, tassalu: Nukissiorfiit allaffiat, Napparsimavik, Utoqqaat
illuat, Nasiffissuaq, illoqarfiup immikkoortua nutaaq aamma Heliporti.

Nukissiorfinnit suli ilungersuutigineqarpoq nalinginnaasumik imermik pilersuinerup atuutileqqinneqarnissaa.

Pilersuinermut tunngatillugu apeqqutissaqartoqaruni Nukissiorfinnut saaffiginnittoqarsinnaavoq telefonimut 80 11 50-imut sianerluni. Peqqissutsimut tunngatillugu ajornartorsiuteqarnermik
pasitsaassaqarnermi, tassa erngup imerneqartussap mingutsinneqarsimaneranut tunngasinnaasumik imaluunniit peqqissutsimut tunngatillugu apeqqutissaqartoqaruni, taava
Uummannami Peqqinnissaqarfiup immikkoortortaqarfia attaveqarfigineqarsinnaavoq telefonikkut 95 12 11.

Powered by Labrador CMS