Skip to main content

Ilitsersuut aqqutigalugu Sermersuumut tunngatillugu suliaq Asiimut akisussaaffigineqarunnaarsinneqartoq

Naalakkersuisup Asii Chemnitz Narupip, Kommuneqarfik Sermersuumi borgmesteriuffigisimasaminik nakkutilliisoqarnera suliarissanngilaa, Namminersorlutik Oqartussat ilisimatitsipput.

Naalakkersuisooqatigiittussat pilersinneqarmata, Asii Chemnitz Narupilu (IA) nunamut namminermut naalakkersuisunngortinneqarmat, Naalakkersuisut Kommuneqarfik Sermersuumik nakkutilliinerup ingerlanneqarnerani suliamut attuumavallaarnermut tunngatillugu ajornartorsiut aallaqqaataaniilli eqqumaffigisimavaat.

Namminersorlutik Oqartussani Nunamut Namminermut Immikkoortortaqarfik Sermitsiaq.AG-mut ilisimatitsivoq.

Nakkutilliinermi pineqarpoq, Kommuneqarfik Sermersuup Nuummi inissanik pissarsiniarluni periuerisimasaa. Tassani kommunip namminersortut inissialiorteriarlugit inissiat attartortarpai, innuttaasunullu attartorteqqittarlugit.

Namminersorlutik Oqartussanit isumaqartoqarpoq, periuerineqartoq inatsimmik unioqqutitsinerusoq, Asii Chemnitz Narupillu borgmesteriunerani periuseq tamanna kommunimit atorneqalersimasoq.

Naleqqami politikkeri akisussaasuusoq

Taamaammat Peqqissutsimut Naalakkersuisoq Kirsten L. Fencker (N) nakkutilliinermut akisussaasunngortinneqarsimavoq.

Naalakkersuisut Siulittaasuata Naalakkersuisoqarfiata maajip qaammataani ilitsersuusiorsimaneratigut tamanna pisimavoq:

- Aningaasaqarnermut Nunamullu Namminermut Naalakkersuisoq aamma Naalakkersuisut sinneri aallaqqaataaniilli suliamut attuumavallaarnermut tunngatillugu ajornartorsiut eqqumaffigivaat, erngerlutillu Kommuneqarfik Sermersooq nuummi innuttaasunik inissianik attartortitsinera pillugu suliassaqarfik nuunneqarnissaanut ilitsersuummik suliaqartitsipput, Namminersorlutik Oqartussat suliaq pillugu tusagassiorfinnut nalunaaruteqarlutik allapput.

Nakkutilliineq Nakkutilliisunit suli ingerlanneqarpoq, nakkutilliisullu inerniliussaminnik qaqagu saqqummiussissanersut suli ilisimaneqanngilaq.

Nunamut Namminermut Immikkoortortaqarfimmit ilisimatitsissutigineqarpoq, naalakkersuisoq suliamut tunngatillugu isummertinnani Nakkutilliisut inerniliussassaat utaqqimaarniaraa.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER