Skip to main content

Ilisimatuut: Dronningip ukiortaami oqalugiaataa aliasunnertalik aamma nuannaarnertalik

2018 ukioq pisoqarfioqaaq. Prins Henrik toqukkut qimagunnera aamma kunngissap inuuissiornera dronningip ukiortaami oqalugiaataani malunnassapput.

Dronningip ukiortaami oqalugialeruni ukioq aliasuffiusoq, aamma nuannaarfiusoq kingumut qiviarsinnaavaa.

Februaarip 13-anni prins Henrik Fredensborg Slotimi toquvoq, dronningimit ernerminillu marlunnit, kunngissaq Frederimmit aamma prins Joakimimit najorneqarluni.

Qaammatit pingasut qaangiuttut kunngissaq 50-nik ukioqalerpoq, tamannalu Royal Runertoqarneratigut aamma Christiansborg Slotimi assuarluni nereqatigiittoqarneratigut nalliuttorsiutigineqarpoq.

Pisut taakku marluk ukiortaammi oqalugiaammi malunnaateqassasut, kunngikkormiunik ilisimasallit taama naliliipput.

- Dronningip oqalugiaammini ukioq kingumut qiviarfigissavaa. Prins Henriup toqunera inuunerani annertuumik allannguisuuvoq, tamannalu aamma danskinut amerlasuunut taamaappoq, historikeri Michael Bregnsbo oqarpoq, taanna ilaatigut kunngikkormiut inuunerannik Syddansk Universitetimi ilisimatusarpoq.

- Kunngissap inuuissiornikuunera aamma eqqaassallugu pissusissamisoorpoq, ataatsimullu isigalugu kunngissakkut malunnaatilimmik inissisimanerat, Michael Bregnsbo oqarpoq.

Historikeri Lars Hovbakke Sørensen Professionshøjskolemi Absalonimeersoq aamma tamanna qularinngilaa.

Oqalugiarneq ataatsimut isigalugu nalinginnaasumit inuppalaarnerussasoq, taanna isumaqarpoq.  

- Ukiortaami oqalugiaat inuiaqatigiinni amerlasuunut tunngassuteqartussaasoq dronningip ilisimalluarpaa. Kisianni taakku pisut marluk malunnaateqarluarmata nuimassapputm Lars Hovbakke Sørensen oqarpoq.

Ukiuni amerlanerni dronningip Christian IX's Palæmi Amalienborgimi inimi suliffigisartakkaminit oqalugiarnini ingerlattarpaa, kisianni illussaarsuup saava assanneqarpoq, siunissami qarsutsinernut qularnaarneqarniassammat ruujorilersorneqarpoq.

Dronningi taamaattumik taarsiullugu Fredensborg Slotimi oqalugiassaaq.

/ritzau/

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER