Skip to main content

Ilisimatuut sulinermi avatangiisinik misissuiniartut

Ilisimatuut sulinermi avatangiisit qanoq pitsanngorsaaffigineqarsinnaanersut pillugit misissuissapput.

Ilisimatusarfik aamma Syddansk Universitet ilisimatuutut misissuinissaannut, Kalaallit Nunaanni suliffeqarfissuit sisamat peqataanissamut akuerisimasaanut, 1,9 millioner koruuninik aningaasaliiffigineqarsimapput.

Ilisimatuutut misissuinermi, SIK Sulitsitsisullu aqqutigalugit suliffeqarfiit aamma peqataaffigisassaanni, Royal Greenland, Royal Arctic Line, Permagreen Pisiffillu SDU-mi professorimik Peter Haslemik Ilisimatusarfimmilu professorimik Søren Voxtedimik suleqateqassapput.

Kalaallit Nunaanni piviusut

- Maannamut Kalaallit Nunaanni suliffimmi avatangiisinik ilisimatuutut misissuinernik naammassinnittoqarsimanngilaq, taamaattumillu ilisimatuutut misissuinikkut suliffeqarfiit suliffimmi avatangiisinik qanoq nakkutiginnilluartiginersut – inatsisillu Danmarkimiit ’tiguinnakkallusooq’ Kalaallit Nunaanni pissutsinut piviusunut suliffeqarfiillu pisariaqartitaannut qanoq naleqqutsiginersut – paasiniarnissaanut pingaarutilimmik nutaamik periarfissaqalerpoq, ilisimatuut marluk taakku tusagassiorfinnut nalunaaruteqarlutik allapput.

Misissuinermi suliffeqarfinnik qulingiluat ataallugit sulisulinnik apersuinermi immersugassat atorlugit apersuisoqassaaq aamma suliffeqarfinnut anginernut sisamanut ornigulluni itisiliillunilu misissuioqassaaq.

Suliassamut atatillugu suliniummik aqutsisoq Peter Hasle Ilisimatusarfimmi professoritut adjunktinngortinneqarsimavoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER