Ilisimatuut pissaanillit pillugit: Kammalaatersornermik atuisoqariaannaavoq
Kalaallit Nunaanni pissaanillit pingaarnertut atuuffimmi saniatigut sisamaniit tallimanut allanik suliaqartartput, tamatumalu pisaanillit nakkutigineqarnissaannut periarfissat ajornerulersissinnaavai.
Ilisimatuut marluk Kalaallit Nunaanni inuit pissaaneqarnerpaat 123-usut paasisimavaat, ilisimatuullu tassunga atatillugu oqaatigaat, inuit 123-t taakku imminnut naapittartut. Tamanna oqartussaaqataaneq eqqarsaatigalugu ajornartorsiutinngorsinnaavoq.
Inuit 123-t taakku inuiaqatigiinni katillugit 701-inik atuuffeqarput, tassa pingaarnertut atuuffimmik saniatigut suliassaqarfiit sisamaniit tallimanut amerlatigisut isumagisarpaat:
- Pissaaneq taamak annertutigisoq inunnit ikittunnguanit tigummiarneqartillugu, ulorianartuuvoq ingerlataqarfinni assigiinngitsui nammineq soqutisat ingerlanneqarsinnaanerat, kammalaatersortoqarlunilu qanigissanik pingaartitsisoqalersinnaanera, pissaanillillu nakkutigineqarnissaat ajoquserneqarsinnaalluni, Roskilde Universitetimi cand.scient.soc aamma Ph.D-tut ilinniartoq Morten Fischer Sivertsen aamma Roskilde Universitetim Copenhagen Business Schoolimilu adjunkti Anton Grau Larsen oqarput.
Dømmer ikke
Ilisimatuut oqaatigisinnaannginnerarpaat, kammalaatersorneq qanigisanillu pingaartitsineq atuunnersoq, oqaatigaalli Kalaallit Nunaanni pissaanillit akornanni taamaattoqarsinnaasoq.
- Kalaallit Nunaanni inissisimanermut tunngatillugu isornartorsiutivut taakku qaqilerneqarnissaannut soorunami uagut aalajangiisinnaanngilagut; erseqqissaatigisinnaavarpulli pissaanillit atqatigiinnerat oqartussaaqataanermik ajornartorsiortitsilersinnaasoq, ilisimatuut Kalaallit Nunaanni pissaanillit pillugit saqqummiussaminni allapput.
Ilisimatuut saqqummiussaasa naggataanni, inuit 123-t taakku Kalaallit Nunaanni pissaanilittut saqqummiunneqartut allattorsimaffiat tamaat takuneqarsinnaavoq.