siunnersuut
Ilisimatuut: Kalaallit nunasisutut pisinnaatitaaffeqalerlik
Inuit pisinnaatitaaffiinik ilisimatusarfik isumaqarpoq, kalaallit danskit kommuuniini peqataalersitsinissamut siunnersuisoqatigeeqalertariaqartut nunasisut allat assigalugit
- Isumaqarpugut pisortat suliffeqarfiutaanni isummiuteriikkat pillugit kalaallinik kingoqqisunik immikkoortitsisoqartarnera ilisimaneqarnerusariaqartoq.
- Pingaaruteqaqaarlu kommunini qulakkiissallugu sulisunit tamatuma eqiingaffigineqarnissaa, inuit pisinnaatitaaffii pillugit ilisimatusarfimmi naligiissitaanissamut pisortaq Maria Ventegodt Liisberg taama Radioaviisimut oqarpoq.
Sapaatip-akunnerani kingullermi nalunaarusiap saqqummertup kalaallit inuuniarnermikkut ajornartorsiutillit Danmarkimiittut aammalu inunnik atugarliunngikkaluartunik Europamut nuunnerminnut atatillugu nalorninartorsiorsinnaanerat sammisarai.
Ilisimalersitsineq
Inuit pisinnaatitaaffii pillugit ilisimatusarfiup innersuussutigaa, kalaallit Danmarkimi kommuunini immikkut immikkut itumik inissinneqarnissaat, taamaalinikkut assigiimmik pineqarnissaq anguneqassammat.
- Siunnersuutitta piviusut ilagaat, kalaallit danskit kommuuniini peqataalersitsinissamut siunnersuisoqatigiinni ilaanerulernissaat, naligiisitaanissamut pisortaq oqarpoq.
- Taama iliornikkut kalaallit immikkut ittunik unammilligassaqartuunerat paasineqarnissaa qulakkeerneqarsinnaassagaluarpoq.