fjeldskred

Ilisimatusartut qaqqat akissutissarsiorfigaat

Ilisimatusartut GEUS-imeersut Nuugaatsiap qaqqai misissoqqissaarlugit aallartipput. Assit paasissutissallu 2015-imeersut atorlugit qaqqaq qanoq nakkaasimanersoq kiisalu siunissamut qanoq upalungaarsimasoqassanersoq qularnaatsumik paasineqarsinnaavoq

Alle venter på, at der vil ske et skred fra risikozonen, hvor der er meget markante sprækker og en synlig forkastningskant. Men om det sker i morgen eller om et år, kan forskerne ikke sige noget om.

Danmarkimi Kalaallit Nunaannilu ujarassiortut GEUS-imeersut Karrat kangerluarnni suliniarnerat ajornaatsuinnaanngilaq.

Qaqqarmi nakkaaqqeriaannaavoq taavaniinnerminnilu sillimaniarlutik arlariinnik iliuuseqartariaqarlutik. Soorlu sissami nakkaasinnaasup ataanut angallammik kisarsinnaanngillat umiatsiaaqqamillu tulaffigisinnaanagu. Taavanili paasiniaanerat qaqqap qanoq nakkaasimaneranut akissutissamik nassaarfissaavoq. Taama oqarpoq GEUS-imut pisortap tullia, Flemming Getreuer Christiansen.

- Qanorpiaq pisoqarsimanersoq paasissallugu siunissamut pingaaruteqarpoq. Taavani maanna misissuivugut qulimiguulimmiillu assileeqattaarluta. Taakku atorlugit qaqqaq 3D-mik assiliorsinnaavaput.

- Assinginik 2015-imeersunik assiuteqarpugut taakkulu atorlugit qaqqap piffissap ingerlanerani allanngoriartornera assilisanut nutaanut sanillersuussinnaallutigu taamaasillutalu qaqqap ilaa qanoq angitigisoq nakkaasimanersoq nakkaasinnaasorlu sinneruttoq qanoq angitiginersoq paasisinnaallutigu. Nakkaaffiata eqqaatalu nakkaaqqissinnaanerata ulorianassusaa paasissallugu pingaaruteqarpoq, Flemming Getreuer Christiansen oqarpoq.

Paasissutissanik sanillersuussineq saqqummiunnissaat pillugu septembarimi piareerumaartut ilimagaa.

Allaaserisaq tamakkerlugu Sermitsiaq aviisimi atuaruk. Aviisi uani pisiariuk:

Powered by Labrador CMS