Ilisimatusartut ilisimasaminnik saqqummiussillaqqinneqqusaatissasut

Arctic Hub-ip Kalaallit Nunaanni Kalaallillu Nunaat pillugu ilisimatusartarnerup innuttaasunut paasiuminarninngortinneqarnissaanik sulissuteqartup, ilisimatusartut suliatik pillugit paasiuminarnerusumik oqaluttuarsinnaanermut unamisittalerniarpai.

- ”Kalaallit Nunaanni massakkut ilisimatusarfigineqartut soqutiginarluinnarlutillu ullutsinnutattuumassuteqartuupput. Ajoraluartumik ilisimatusarfigineqartut ilarpassui innuttaasunutanngutinngisaannarput, Arctic Hubip allattoqarfiani pisortaq Anna-Sofie Skjervedal oqarpoq.

Sooq Kalaallit Nunaanni radon-eqarnerata ilisimatusarfigineaqarnissaa pingaaruteqarpa? Ilisimatuut meeqqat isigisinnaassusaanik ilisimatusarnertik angajoqqaanit paasineqarsinnaanngorlugu qanoq nassuiarsinnaavaat?

Aamma sooq ukiut marluk matuma siornatigut nappaammik nunarsuarmi tuniluuttoqarnerata ilisimatusarfigineqarnera innuttaasunut paasitinneqarnissaa pingaaruteqarpa?

Ilisimatusuut ilisimatusarnerminni oqaatsit atortagaat innuttaasunut -imit paasiuminaassinnaasarput. Kalaallit Nunaanni ilisimatusarnermi angusaineqartartut innuttaasunut ataasiakkaanut pingaaruteqarsinnaasaraluartut, paasisat innuttaasunut tamatigut anngunneqarneq ajorput.

Arctic Hub-imit Ilisimatusarfimmillu tamanna allanngortikkusunneqarpoq, ph.d.-nngorniarlutillu ilisimatuunngorniat aamma ukiut kingulliit marluk ingerlaneranni ph.d.-nngorsimasut ilisimatusaatiminnik paasiuminarnerusumik oqaluttuartsinnaanernmut unamisitsinissamut qaaqquneqarlutik.

Forskere skal frem i lyset

Unammisitsineq "Paasisavut"-mik taaguutilik ingerlanneqassaaq, tassani naliliisartut ilisimatuunik inuttallit allallu sulinut ilisimasallit ilisimatusartut oqaluttuariaasiannik naliliissapput. Ilisimatusartoq suliassamik naammassinnilluarnerpaaq 25.000 koruuninik Brugsenimit aningaasaliissutigineqartunik eqquissaaq, ilisimatusartutullu ilisimatuarfigisaminik saqqummiussillaqqinnerpaanini ataqqinaatigissallugu.

Artic Hub-imit tusagassiorfitsigut nalunaaruteqarlutik allapput.

- Kalaallit Nunaanni massakkut ilisimatusarfigineqartut soqutiginarluinnarlutillu ullutsinnut
attuumassuteqartuupput. Ajoraluartumik ilisimatusarfigineqartut ilarpassui innuttaasunut
anngutinngisaannarput. Neriuppugut Paasisavut aqqutigalugu tamanna
allannguivigisinnaassallutigu, Anna-Sofie Skjervedal, Arctic Hubip allattoqarfiani pisortaq
aamma Gitte Adler Reimer, Ilisimatusarfimmi rektori peqatigiillutik oqaaseqaatiminni taama
oqarput.

Sivisuumik ilisimatusartoqartartoq

Ilisimatusarneq ukiuni arlalinnik sivisussuseqarsinnaasarpoq. Ilisimatusartullu qaammatini arlalinni unammisinneqassapput, ilisimatusartut suliatik pappialamut naqitat naliliisartunut saqqummiutissavaat, inaarutaasumillu unamminermi ilisimatusarfigisat
minutsini tallimani paasiuminartumik nassuiassallugit

Ukiuni marlunni kingullerni ph.d.-nngorniutiminnik suliaqarsimasut
naammassinnissimasulluunniit tamarmik unammisitsinermi peqataanissamut
qinnuteqarsinnaapput. Tamatuma kingorna taakkua pitsaanersaat tallimat
unammeqataasussatut toqqagaassapput. Peqataanissamut qinnuteqarfissatut kingullertut ukioq manna novembarip aallaqqattaa ulluliunneqarsimavoq.

- Ilisimatusarluni misissuinerit pikkunaatsutut paasiuminaatsutullu
isummerfigereerneqarsinnaasarmata qularutiginngilarput Paasisavut aqqutigalugu
isiginnittaatsimik tamatuminnga naqqiisinnaassalluta. Isumaqarpugut Paasisavut
aqqutigalugu uppernarsarneqarsinnaasoq Kalaallit Nunaanni ilisimatusarnerit soqutiginartuusut, inuunitsinnut attuumassuteqartut aliikkutassaalluinnarsinnaasullu,
Anna-Sofie Skjervedal Arctic Hubimeersoq oqarpoq.

Unammisitsineq siullermeerluni ingerlanneqarumaarpoq, Arctic Hubimilli
Ilisimatusarfimmillu anguniagaavoq Paasisavut ukiut tamaasa ingerlanneqartassasoq.

Powered by Labrador CMS