Skip to main content

Ilisimatusartussat nutaat tallimat aallarteriaannanngortut

Nunatsinni Ilisimatusarnermik Siunnersuisoqatigiit ilisimatusarfiusunut tallimaasunut 10 mio. koruuninik aningaasaliissuteqarsimapput.

Nunatsinni Ilisimatusarnermik Siunnersuisoqatigiit ph.d-nngornianik postdoc-inillu tallimaasunik aningaasaliinerminni ilisimatusartut piukkunnaatillit piginnaanillillu kinguaariit tulliuttut tunngavissippaat.

Ilisimatusartussat taakku tallima Nunatsinni Ilisimatusarnermik Siunnersuisoqatigiinnit aningaasaliiffigineqarnermikkut ilisimatusarnikkut suliassaasa sammivii siammasissuupput ilisimasanillu nutaanik inuaqatigiinnut ilisimatusarnernullu allanut iluaqutaasussanik imaqarlutik.

- Sammisani assigiinngitsuni siornatigut ilisimatusarfiusimanngitsuni ilisimatusartut nutaanik paasisasaqartarput, Nunatsinni Ilisimatusarnermik Siunnersuisoqatigiit siuittaasuat Josephine Nymand oqarpoq.

Taassuma erseqqissaatigaa, ilisimatusarneq inuiaqatigiinni ajornartorsiutaasunik piffissaq ungasinnerusoq eqqarsaatigalugu aaqqiissuteqarnissamut atorneqarsinnaasut.

- Ilisimasat ingerlatsivinni suliffeqarfinnilu aalajangiisartunut tikkuussisinnaapput. Taamaammat nuannaarutigeqaara ukioq manna aningaasaliinitsinni ukiuni tulliuttuni ilisimatusartut ilisimalikkaminnik pingaaruteqartunik tunniussisinnaanissaannut periarfissillugillu nunatsinni ilisimatusarneq nukittorsarneqassammat, taanna oqarpoq.

Nunatsinni Ilisimatusarnermik Siunnersuisoqatigiit Ph.d-nngorniat postdoc-illu 20-t qinnuteqaataannik 2021-mi tigusaqarsimapput.

Ph.d-nngorniutit pingasut aningaasaliiffigineqartut:

Mille Bianco Schiermacher suliaalu ’Isumaginninnermut politikki ajutooraangat –
kalaallit inuusuttut pisariaqartitsisut nuna qimallugu nuunnermi sullinneqarnerat
iluatsinngitsoq’ / ’Når socialpolitikken svigter – mislykket migration blandt udsatte
grønlandske unge’.

Ivalo Arnfjord suliaalu ’Kalaallit Nunaanni meeqqat meeqqeriviat – inuuniutitut,
takorluukkatut meeqqallu tungaannit’ / ’Børnenes børnehave i Grønland – mellem
profession, vision og børneperspektiv’.

Mie Vilstrup Møller suliaalu ’Kalaallit Nunaanni nunarsuaq tamakkerlugu
tuniluunnermik Covid 19-imik isiginniffiit’ / ’Aspekter af Covid-19 pandemien i
Grønland’.

Postdoc-nngorniat marluk aningaasaliiffigineqartut:

Marco Marcer Arctic DTU – Ilinniarfeqarfik Sisimiuneersoq suliaalu’Siku Aajuitsoq’.

Sandra Maier ved Pinngortitaleriffimmeersoq ’Drivers and function of Greenlandic
benthic biodiversity today and in the future’.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER