Ilisimatusartoq: Naanguku inuusuttut?
Nuimasut persuarsiorlutik katersuunnerat, suliassap ingerlateqqinneqarnissaanut aamma ilisarnaataassanersoq apeqqutaavoq. Taamaassappat Inatsisit Tunngaviusussat pillugit Isumalioqatigiissitanut isornartorsiuisut ilumoornerarneqarsinnaanissaat, Ilisimatusarfimmi lektorip mianersoqqussutigaa. Naalakkersuisoqarfiup oqaatigaa persuarsiorluni katersuunnissamut kikkut tamarmik aggersarneqarsimasut.
Lektorip aamma immikkoortortami aqutsisup Rasmus Leander Nielsenip, Nasiffimmeersup (Ilisimatusarfimmi nunanut allanut aamma isumannaallisaanermut politikimik misissuisoqarfik), Inatsisit Tunngaviusussanik siunnersuutinik persuarsiornartumik tunniussisoqarnissaanut aaqqissuisut sooq Ilisimatusarfimmi ilinniartut ilaannik qaaqqusisimannginnerat tupigusuutigaa.
Aviisi AG taama allappoq.
Taassuma oqaatigaa, tunniussinermut KNR-ikkut toqqaannartumik aallakaatinneqartumut iluaqutaasimassagaluartoq, kiinnanik inuusunnerusunik aamma najuuttoqarsimagaluarpat:
Taamaalilluni siunissamut pitsaasunik assiliisoqassagaluarpoq avatangiisinullu pingaarutilimmik ersersitsinerulluni, Rasmus Leander Nielsen oqarpoq.
- Pingaartorsiorluni katersuunneruvoq kusanartoq. Nuimasulli katersuunneraat, ilisimatooq oqarpoq.
Tusarsimanngikkaat
Inatsit Tunngaviusussaq pillugu isumalioqatigiissitap isumaliutissiissummik kiisami saqqummiussinissaa, Rasmus Leanderip suleqatinilu ilinniartullu sivisuumik utaqqisimavaat, ukiunimi arfinilinni suliarineqarmat suliassaalu sisamariarluni allanngortinneqartarsimammat. Tassanngaannartumik – pinissaa ullunik arlaqanngitsunik sioqqullugu - tusagassiorfinnut nalunaarutigineqarpoq, tallimanngornermi apriilip 29-anni persuarsiornartumik katersuuttoqassasoq. Rasmus Leander pisoqartussaaneranik aatsaat paasitinneqarpoq, saqqummiunneqarnissaanut pilersaarutigineqartumut ullut arlaqarunnaartut DR-imit saaffigineqarami. Periaaserineqartoq ernumanartoqartissinnaavaa:
- Pisoq (persuarsiorluni katersuunneq, aaq.) annerusumik saqqumilaartinneqanngilaq. Soorlu tusagassiorfinni isumasiuinerit assigiinngitsut takutikkaat, innuttaasut ilarpassuisa tusarsimanngilaalluunniit. Siunniunneqartutut siunissami tamanit oqallisigineqarnissaanut atatillugu ernumaammilaanngitsuunngilanga.
Aviisimi AG-mi atuarnerusinnaavutit. Aviisi uani pissarsiariuk:
