Ilisimatusarnerup nutaap pisortani naligiissitaaneq qulaajaaffigisimagaa
Ilisimatusarnikkut Kalaallit Nunaanni suliffeqarfinni naligiissitaanermut ajornartorsiutaasunut pissutaasinnaasut suussusersineqarnissaat paasiniarneqarpoq. Siunertarineqarpoq, arnat pisortatut atorfillit suiaassutsikkut naligiinngittoqarneranik kiisalu periarfissanik nutaanik inerisaaniarnermi paasisaqarsinnaanermilu qanoq misigisaqartarnersut paasiniarnissaat.
Kalaallit Nunaanni aqutsineq pillugu paasisaqarniarluni sammineqarsimasumi atuarneqarsinnaavoq, arnat naligiissitaaneq pillugu oqallittoqarnissaanik paqumiginnittarneq misigisaraat. Naligiissitaaneq pillugu nutaamik ilisimatusarnikkut tamanna erseqqinnerusumik paasiniaaffigineqassaaq.
Suliniuteqarnermi siunertarineqartoq
Suliniuteqarneq pillugu nalunaarusiami
1) Kalaallit Nunaanni suliffeqarfinni naligissitaanermut atatillugu qanoq ajornartorsiuteqartoqarneranik sussusersiillunilu nassuiaateqarnissaq,
2) suliaqarnermi periarfissanik nutaanik paasinninnissamullu periarfissanik inerisaanissaq.
Mette Apollo Rasmussen er Lektor i ledelse og organisering på Roskilde Universitetimi aqutsinermi aaqqissuussinermilu Lektoriusoq 2018-imili Ilisimatusarfimmi suliaqartarsimavoq. Ilisimatusarnermi soqutigisarivai aqutsineq, aaqqissuussineq suleqatigiinnerlu.
Ilisimatusartoq: "Kaffimik aallilerpit" Kalaallit Nunaanni suiaassutsikkut naligiiinngitsoqarneranik misissueqqissaarneq, Mette Apollo Rasmussenip arnat pisortatut atorfillit 15-it angutsillu immikkut toqqakkat arfinillit ilisimatusarnerup aallartisarneqarnerani apersorsimavai.
- Tamaasa ataatsimut isigalugit oqarsinnaavunga, inuussutissarsiuteqartut ilisimatusarnernut peqataanissamik soqutigisaqartut - tamannalu aqqutissatsialaavoq ajornartorsiutaasunik ilisimasaqarfiginerusariakkatsinnik aaqqiissuteqarnissamut, taanna Sermitsiaq.AG-mut oqarpoq.
- Pingaartumik arnat aaqqissuussaanikkut ajornartorsiutigisartagaasa paasineqarnerunissaat anguniagaavoq.
Nikaginnippaluttumik nipeqartumik oqarfigineqarnermiit peqataatinneqartannginnermut
Arnat ajornartorsiutigisartagaat assigiinngitsorpassuupput, soorlu angutit klubbiannut "iseqqusaanngitsutut" misigisimasarneq, aalajangersimasumik kiffartuussisussanngortinneqartutut misigisimasarneq, aqutsinermik suliaqarnermi peqataatinneqarnerusannginneq minnerunngitsumillu nikaginnippaluttumik nipeqartumik oqarfigineqartarnerit aamma / imaluunniit piginnaasaqarnerminnut atatillugu ileqquusumik paasineqanngitsutut misigisarnerit.
Ilisimatusarsimasup erseqqissaassutigaa, misigineqartarsimasut aalajangersimanerusut, aamma arnaqartoq suliffimmi ulluinnani naligiimmik pineqartutut misigisimasunik.
- Angutit arnallu suliffimminni siunnerfigineqartunut assigiinngitsunut peqataatinneqarnerullutik ineriartortitseqataanerarlutik oqaatigaat - taamaalillutillu pitsaanerusunik aalajangeeqataallutillu assigiinngitsutigut periarfissaqarnerulersarlutik.
Qanoq oqassallutik nalulertaraat
Ajornartorsiutaasartutut misigineqartarsimasoq alla tassaavoq, naligiissitaanermut atatillugu ajornartorsiutigineqartut qanoq allatut oqaasertalissanerlugit nalulerneqartarsimanerat, tamannalu ileqquliutiinnakkanik atuutsitsiinnarnermut pissutaasartoq.
Apersuisoqarmat / aalajangersimasumik toqqakkat apersorneqarmata akissuteqartorpassuit oqaatigaat, oqaloqatigiittartneq ajornartorsiutaasunut aaqqiissutaasinnaasunik nassataqartartoq.
Taassuma oqaatigaa, tamatuma uppernarsaraa, ilisimatusartarnikkut aqqutissanik nutaanik nassaartoqarsinnaasoq.
Ilisimatusaatigineqarsimasoq Kalaallit Nunaanni Naligiissitaanermut Siunnersuisoqatigiit aningaasaliissuteqarsimasut suleqatiginerisigut ingerlanneqarsimavoq. Tamatuma saniatigut Kalaallit Nunaanni Sulisitsisut aamma tapersiisimapput.