Ilisimatusarnermut aatsaat taamak annertutigisunik aningaasaliisoqartoq
Ilisimatusarfimmi ilisimatusartut ph.d.-nngorniallu 2020-mi ilisimatusarnermut avataanit siusinnerusumutsanilliullugu aningaasanik amerlanerusunik pissarsisimapput.
2020-mi ilisimatusarnermut ph.d.-nngornianullu 11,5 millioner koruuninik avataanit aningaasaliisoqarsimavoq, tassa ukiup siulianut sanilliullugu fire millioner koruuningajalluinnarnik amerlanerusunik.
Ilisimatusarfiup ingerlakkusutaani tamani aningaasanut inatsimmi aalajangerneqartut saniatigut avataanit aningaasalersuisoqarnissaa pillugu nutaarsiassatsiamik saqqummiineq Ilisimatusarfimmit tulluussimaarutigineqarpoq.
- Pingaartumik ilisimatusarfimmi ilisimatusartut ph.d.-nngorniartullu Ilisimatusarfiup ilisimatusarnernut aningaasanik taamatut annertutigisunik pissarsineranut nersugassaapput. Ilisimatusartugut aningaasaateqarfinnit qinnuteqartarneq pikkoriffigigaluttuinnarpaat – aningaasanillu taakkunannga amerlasuut avataanit aningaasaliissutaapput, Ilisimatusarfik tusagassiorfinnut nalunaaruteqarluni allappoq.
Aningaasarpassuit taakku inuiaqatigiinni pissutsit imminnullu ataneri pillugit ilisimasaqarnerulernermik ineriartortitsinerannik kinguneqarnerannik qulakkeerinnissapput.
- Ilisimatusarnerit tamakku nutaat inuiaqatigiinni, kulturimi, ilinniartitsinermi peqqissaanermilu pitsanngoriaatinik kinguneqarsinnaapput. Ilisimatusarfiup suliaani
immikkoortorpassuarni ilisimatusarnerup annertusinissaanik suli pisariaqartitsisoqarpoq, taamaammallu ilisimatusarnermut aningaasanik amerlanerusunik pissarsinissaq pisariaqarpoq, Ilisimatusarfimmit erseqqissaatigineqarpoq.