ilisimatusarneq
Ilisimatusarnermik Siunnersuisoqatigiit siulittaasortaartut
Gitte Trónheim Nunatsinni Ilisimatusarnermik Siunnersuisoqatigiinni siulittaasuujunnaarpoq
Nunatsinni Ilisimatusarnermik Siunnersuisoqatigiit siulittaasortaarput.
Josephine Nymand, Pinngortitaleriffimmi, afdelingschefiusoq, ukiuni tulliuttuni pingasuni siunnersuisoqatigiinni siulittaasuussaaq.
Taasuma Gitte Trónheimi atorfianit paarlappaa.
Ilinniartitaanermut Kultureqarnermut Ilisimatusarnermut Ilageeqarnermullu Naalakkersuisup, Doris Jakobsenip tamanna, Namminersorlutik Oqartussat tusagassiuutinut nalunaarusiaani paasissutissiaraa.
Inatsimmi takuneqarsinnaavoq toqqaaneq kalaallit ilisimatusarnikkut suliffeqarfiutaannit, ilisimatusarnikkut qitiusumik sammisaqarfiinit, ilisimatusarnikkut suliaqartunit kiisalu aallarnisaasutut nutaaliornikkullu suliaqartunit inassuteqartitsinikkut pissassasoq.
Aajuku Nunatsinni Ilisimatusarnermik Siunnersuisoqatigiinni siulersuisunut ilaasortanngortut:
- Siulittaasoq: Josephine Nymand
Ilaasortat:
- Morten Meldgaard, professori, Ilisimatusarfik, Inuiaqatigiillerineq
- Louise Kolby Christensen, ilinniartitsisoq, Campus Kujalleq, Inuiaqatigiilerineq
- Gert Mulvad, Ilaqutarinnut nakorsaq, Peqqissusermik Ilisimatusarfik, Peqqissutsikkut ilimatusarneq
- Lotte Frank Kirkegaard, pisortaq, CSR Greenland, Nutaaliorneq/Innovation
- Thomas Ingemann-Nielsen, PhD., ARTEK, Teknologii -Nutaaliorneq
- Inge Høst Seiding, PhD., Nunatta Katersugaasivia Allagaateqarfialu, Humaniora
- Daniel Thorleifsen, pisortaaneq, Nunatta Katersugaasivia Allagaateqarfialu, Humaniora
Nunatsinni Ilisimatuarnermik Siunnersuisoqatigiit nuna tamakkerlugu allanullu attuumassuteqarani pisortanit ingerlatsiveqarfiuvoq. Kalaallit Nunaanni ilisimatusarnerup aalaakkaalersillugu kalaallinut inuiaqatigiinnut iluaqutis-sanngorlugu siuarsarneqarneranik nukittorsarneqarneranillu suliaqartoq.