Ilisimatusarnermik Siunnersuisoqatigiit ilaasortassaanik nutaanik toqqaasoqassasoq
Namminersorlutik Oqartussat suliffeqarfiit kattuffiillu Nunatsinni Ilisimatusarnermik Siunnersuisoqatigiit ilaasortaannik innersuussuteqarsinnaasut aalajangersarsimavaat.
Nunatsinni Ilisimatusarnermik Siunnersuisoqatigiit ilaasortassaannik nutaanik toqqaasoqassaaq, 2020-mi oktoberip aallaqqaataani ivertinneqartussanik.
Tassa suliffeqarfiit assigiinngitsut siunnersuisoqatigiinni ilaasortassanik innersuussuteqarsinnaapput.
Naalakkersuisut ilaasortassanut nutaanut innersuussuteqarsinnaasut alajangersarsimavaat.
Ilisimatusarnermik Siunnersuisoqatigiit ilaasortassaat toqqarneqartarput, Ilisimatusarnermut siunnersuisarneq ilisimatusarnermullu aningaasaliisarneq pillugit Inatsisartut inatsisaat naapertorlugu. Tassani allaqqavoq:
- Toqqaaneq kalaallit ilisimatusarnikkut suliffeqarfiutaannit, ilisimatusarnikkut qitiusumik sammisaqarfiinit, ilisimatusarnikkut suliaqartunit kiisalu aallarnisaasutut nutaaliornikkullu suliaqartunit inassuteqartitsinikkut pissaaq. Naalakkersuisut suliffeqarfiit, qitiusumik sammisaqarfiit suliaqartullu inassuteqarsinnaatitaanersut aalajangersassavaat tamanullu saqqummiullugit.
Innersuussisinnaatitaasut allattorsimaffiat:
Ilisimatusarfik
Pinngortitaleriffik
Asiaq
Arctic DTU Campus Sisimiut (ARTEK)
Silap Pissusianik Ilisimatusarfik
Kalaallit Nunanni peqqissusermik Ilisimatusarfik
Dronning Ingridip Napparsimmavissua
Nunatta Katersugaasivia Toqqorsivialu
Naatsorsueqqissaartarfik
Nunatta Atuagaateqarfia & Groenlandica
Oqaasileriffik
Greenland Business A/S
Sulisitsisut
Allattorsimaffik saqqummiuneqareerpat Nunatsinni Ilisimatusarnermik Siunnersuisoqatigiit allattoqarfiata toqqarneqatussanik innersuusuteqaqqusinermigut suliaq ingerlateqqissavaa, Namminersorlutik Oqartussat nittartakkaminni ilisimatitsipput.