Ilisimatusarnermi siuttut aalassassimaartut
Ilisimatusarneq eqqarsaatigalugu ajorluinnarpoq. Naalagaaffiup Pinngortitaq pillugu oqaluttuarisaaneranut Katersugaasiviani ilisimatusartut aggulunneqarnissaat pillugu ilisimatusartup Eske Willerslev taama erseqqitsigisumik oqaaseqarpoq. Kalaallit Nunaanni assigiinngitsunik ilisimatusarnermut eqquinerlussinnaavoq, Minik Rosing aamma Eske Willerslev oqarput.
Naalagaaffiup Pinngortitaq pillugu Katersugaasiviani, Statens Naturhostoriske Museumimi, ilisimatusartut katersugaasivimmi ilisimatusartutut namminersortutut ilisimatusarfianni ukiup nikinnerani ataatsimoortinneqarunnaarlutik uumassusilerinermut ilisimatusarfiup ataaniitinneqalissapput. Peqatigitillugulu ilisimatusarnermi immikkoortut arfinillit tunngaviusumillu ilisimatusarnermi ilinniarfiit pigasuusut katersugaasivimmut atasut aggulunneqassapput biologimullu tunngasunik ilisimatusarfiup ataaniilissallutik, ilisimatusarfinnut allanut namminneerlutik nuukkusunngukkunik soorlu geologimut geografimulluunniit tunngasuni Niels Borh-institutsimulluunniit. Tassa ukiuni kingullerni qulini 15-iniluunniit Statens Naturhistoriske Museumimit katersat pinngortitami ilisimatuussutsikkut ilisimatusarnerni ullumikkut siuttuuffigineqalersimasut asuliinnartinneqarsinnaasut ilisimatusartut isumaqarput.
Suleriaqqinnissamut sunniuteqartussaq
– Aaqqissuussaanermik allannguineq Kalaallit Nunaanni ilisimatusarnernut eqquisussaavoq. Statens Naturhistoriske Museumimi ilisimatusarfiit assigiinngitsut ataatsimoortinnissaannut immikkut sungiusarfigisimavarput, tassanilu geologit, arkæologit, molekylærbiologit allallu suleqatigiillutik. Kalaallit Nunaat Issittorlu immikkut sammisatta ilagaat, kingullertigullu Kitaata avannaani meteorip tuffia angisooq paasisimallutigu, tassanilu geogenetikkimi professor Kurt Kjær siuttuuvoq katersugaasivimmillu ilisimatusartunit arlaqartunit suleqateqarluni nassaaralugu. Ilisimatusartut eqimittakkuutaat aggulukkaanni ilisimatusarfinnullu ataasiakkaanut qullerseqartilerlugit suleriaqqinnissatsinnut sunniuteqartussaavoq, Eske Willerslev oqarpoq, taassumalu geologimi professori Minik Rosing arlalinnik ilisimatusaqatigisarsimallugu.
Aaqqissuussaanikkut allannguinerup siunertaa taassimalu kingunerisassai ilisimatuut aamma paasiuminaatsillugit aalassassimaarutigigaat Minik Rosing isumaqarpoq.
Allaaserisaq tamaat Sermitsiami uani ataani linki aqqutigalugu atuaruk: