sulinermi ajoqusernerit
Ilisimatusarluni suliniutip aalisarnermik nioqquteqarfinni sulinermi ajoqusernerit qaammarsaavigissavai
Suliniut 2017-mi junip naanerata tungaanut ingerlassaaq
Iisimatusarluni misissuinerup nutaap Kalaallit Nunaanni aalisarnerup aalisakkanillu nioqqutissiornerup iluani sulisilluni ajoqusernerit erseqqissassavai, Nuummi Sulisilluni Ajoqusernerit pillugit Sullissivik ilisimatsitsivoq.
Suliassaq Herningimi Arbejdsmedicinsk Klinikimi arbejdsmedicinerimut Kurt Rasmussenimut tunniunneqarpoq.
Aasaq 2017
Suliniut 30. juni 2017-imi naammassineqassaaq, taannalu pinaveersaartitsinernik naleqquttunik, sulisut suliffeqarfimmiiginnarnissaanik kiisalu Kalaallit Nunaanni suliffinni isumannaallisaanermi pissutsinik ilinniartitsinerup ineriartortinneqarnissaanik kinguneqassaaq.
Suliffigissaaneq pillugu sinnersuisoqatigiit suliniut 100.000 koruuninik tapiiffiginiarlugu aalajangerput. Siunnersuisooqatigiit siulittaasuata, Mati Frederiksenip, aamma Kalaallit Nunaanni Suliffinnik Nakkutilliisoqarfiup pisortaata, Kristina Nordbyp, suliniut piviusunngorsinnaanera nuannaarutigaat.
Suleqatigiinneq
Suliniut Herningimi Regionshospitalimi Arbejdsmedicinsk Klinikip Institut for Folkesundhed Århusip Universitetia aamma Bisbebjergip napparsimmaviani Arbejdsmedicinsk Klinik suleqatigiinnerini pilersinneqarpoq.
Tamatuma saniatigut Kalaallit Nunaanni inuussutissarsiortut, suliatigut peqatigiiffiit Peqqinnissaqarfillu qanittumik suleqatigineqarput.