ilinniartitaaneq
Ilisimatusarfimmi nutaamik ilinniarfissaqalersoq
Ilisimatusarfik palasinngorniarsinnaanissamik neqerooruteqassaaq ukiarumit, taanna toqqaannartumik palasitut ilinniarfiusinnaassasoq isiginiarneqarpoq
Palasinngorniarsinnaaneq.
Ilisimatusarfimmi ukiarumit atuarneqarsinnaalissaaq.
Ilisimatusarfimmi atuagarsorneq tunngavigalugu teologi-mik ilinniarnerit oqaluffimmi suliassanut tunngavissiisut palasinngorniarneq pikkorissarnertut ilinniagaqarneruvoq, tassani teologi-mi bachelorinngorniat kandidatinngorniallu kalaallit oqaluffiini palasitut atorfininnissamut piginnaasanik pisariaqartinneqartunik pissarsisinnaapput.
- Tamatuma iluatsinneqarsinnaanera tusarluarnarpoq, taamaasilluni kalaallisut isiginnittariaatsit ilinniartitaanermut ilaalissapput, ilinniartuutigut Danmarkimi palasinngorniarlutik naammassigaangamik kalaallit oqaluffiisa iluani pissutsinut atuuttunut ilinniaqqittarunnaarlutik, immikkoortortaqarfimmi pisortaq Aage Rydstrøm-Poulsen oqarpoq.
Taanna ataatsimoorussamik kissaataasoq oqaluttuarpoq, aamma Naalakkersuisut, Kalaallit Nunaanni Ilagiit Ilisimatusarfiullu akornanni suleqatigiittoqarnerata kinguneraa, Ilisimatusarfik ukiamut palasinngorniarsinnaanissamik massakkut neqerooruteqarluni.