Ilisimatusarfimmi nalliuttorsiorneq
Ilisimatusarfimmi tallimanngormat allagartartaartitsisoqarnerani kajumissaasiinerit tunniuneqarput, bachelorinngortut 64-iupput, kandidatit arfinillit masterinngortorlu ataaseq
Ilisimatusarfik tallimanngormat allagartartaartitsisoqarnerani nalliuttorsiorfiuvoq.
Bachelorit katillugit 64-it, kandidatit arfinillit masterinngortorlu ataaseq ilinniarsimanerminnut uppernarsaateqalerput.
Bachelorinngortuni kandidatinngortunilu angusarissaarnerpaat pisarnertut kajumissaaserneqarput.
Emilie Petersen Tidemand Spaanheden bachelorinngortuni angusarissaarnerpaatut KNI-mit akissarsitinneqarpoq, kandidatinngortunilu Rikke Østergaard angusarissaarnerpaatut Sulisitsisunit akissarsitinneqartoq Ilisimatusarfik tusagassiutinut nalunaarummi allappoq.
Bacheloritut allagartartaartut immikkoortortani ukunanngaanneerput:
- Inuussutissarsiornermi aningaasaqarnermut ilisimatusarneq: 7
- Inatsisilerineq: 6
- Inuiaat Kulturiat Oqaluttuarisaanerallu: 2
- Ilinniartitsisut: 31
- Nutserisoq Oqalutsilu: 1
- Inuiaqatigiilerineq: 6
- Peqqissaasut: 9
- Teologi: 2
Kandidatitut allagartartaartut immikkoortortani ukunanngaanneerput:
- Inuiaat Kulturiat Oqaluttuarisaanerallu: 3
- Inuiaqatigiilerineq: 3
Masteritut allagartartaartut immikkoortortani ukunanngaanneerput:
- Tusagassiornermik immikkoortortaqarfik: 1
Allagartartaartitsinermit assit amerlanerit Ilisimatusarfik.gl-imi takuneqarsinnaapput.