Skip to main content

Ilisimatusarfimmi ataqqinaammik doktorinngortut marluk

Eskimolog Inge Kleivan aamma nakorsaq immikkut ilisimasalik Gert Mulvad Ilisimatusarfimmit qaqutigoortunik ataqqinaaserneqarput

Ilisimatusarfimmi ukiumoortumik nalliuttorsiornermi tallimanngornermi septembarip 25-ani pisuim rektorip Tina Parsip eskimolog Inge Kleivan aamma nakorsaq immikkut ilisimasalik Gert Mulvad ilisimatusarfimmi ataqqinaammik doktorinngortippai.

Arnani siulleq

Ilisimatusarfiup ataqqinaasiuttagaa Ilisimatusarfiup ukiuni 31-ni atuussimanerani siullerpaamik arnamut tunniunneqarpoq. Ilisimatusarfillu peqqissutsimik ilisimatuussutsimut tunngasunik suliaqartumik siullermeerluni ataqqinaasiilluni.

Lektor Kennet Pedersenip Inuiaat Piorsarsimassusaannut Oqaluttuarisaanermullu immikkoortortaqarfimmeersup oqalugiarnermini ilaatigut Inge Kleivanip nunap inoqqaavisa pisinnaatitaaffiinik illersuinermik atuutsitsinissamillu tunniusimalluni pingaartitsisimanera immikkut eqqaavai.

- Inge nunat inoqqaavisa, pingaartumik Issittormiut, oqallittarfiinik pilersitsinermut pingaaruteqarpoq pingaaruteqarluarsimallunilu. Ataqqinaammilli doktorinngortitsinermut tunngavilersuutit pingaarnersaat tassaavoq Inge Kleivanip Kalaallit Nunaannut tunngasunik ukiuni 60-ini atuakkiortarsimaneranik ilisimatusarfiup qujamasuutiginninnera. Eskimologiip ilarujussuanut sinniisuulluarsimavoq, oqarpoq.

Nakorsaq immikkut ilisimasalik

Ilisimatusarfimmit ataqqinaammik doktorinngortinneqartup aappaa tassaavoq nakorsaq immikkut ilisimasalik Gert Mulvad.

Ph.d., nakorsaaneq aamma klnisk lektor Stig Andersen, Aalborg Universietimeersoq, Gert Mulvadip ataqqinaammik doktorinngortinneqarneranut tunngavilersuutigaa ilisimatusartutut nersugarineqarluarnera.

- Gert Mulvad nunami ilisimatusarneq ilinniartitaanerlu qasusuilluni namminissarsioranilu siuarsarniarlugit nalilerujussuarmik suliniuteqarsimavoq, Stig Andersen oqarpoq, tamatumalu peqatigisaanik nakorsap immikkut ilisimasallip nappaatit assigiinngitsorpassuit iluanni ilisimatusartutut issuarneqartorujussuusarnera Gert Mulvadillu saqqummersitaasa nunarsuarmi soqutigineqarluarnerat pingaartillugu.

Ukiumoortumik nalliuttorsiorneq

Ilisimatusarfimmi ukiut tamaasa ukiumoortumik nalliuttorsiortoqartarpoq, ilisimatusarfiup tunngavilerneqarsimanini malunnartinniartarlugu, Ullormi tassani ilisimatusarfik aamma ataqqinaammik doktorinngortitsisarpoq.

Pisussissamisoorluinnartoq

Ataqqinaammik doktorimut toqqaasoqartarpoq ilisimatusarfimmi ilisimatusarnermik ilisimatuunngorniarlunilu ilinniartitaanerup iluani ima annertutigisumik suliniuteqarsimasunik ilisimatuussutsikkut ataqqinaatit qaffasinnerpaartaannik tunineqarnissamut piukkunnassuseqalersimasunik.

Ataqqinaammik doktorinngortinneqarnissamut piukkunnassuseqassagaanni pineqartoq nunarsuarmi tamarmi annertuumik pingaarutilimmillu suliniuteqarsimasariaqarpoq.

Tallimat siusinnerusukkut toqqarneqartut

Pineqartoq nalinginnaasumik tamatuma saniatigut Ilisimatusarfimmi ilisimatusarnermut ilisimatusartutullu ilinniartitaanermut pinngaarutilimmik atuuffeqarsimasarsiaqarpoq, ilinniartitsisutut avataaneersutut imaluunniit nunat tamalaat akornanni ilisimatusarnikkut suliaqarsimasutut, imaluunniit pineqartoq allatigut inuiaqatigiit ineriartornerannut ukiorpanni pingaarutilimmik suliaqarsimasariaqarluni. Ataqqinaammik doktorinngortinneqarsimasut allat tassaapput Robert Petersen, Michael Hauser, Henrik Wilhjelm, Finn Lynge aamma Christian Berthelsen, ullumikkumiillu aamma Gert Mulvad aamma Inge Kleivan.

Ataqqinaammik doktorinngortinneqartut uppernarsaatip saniatigut saqqarmiumik kuultimik nunatsinneersumik sanaajusumik tunineqartarput.

Aamma atuakkit: Berthelsen Ilisimatusarfimmi ataqqinaammik doktorinngortinneqarpoq

Finn Lynge ataqqinaammik doktorinngortinneqarpoq

Robert Petersen ataqqinaammik doktorinngorpoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER