Skip to main content

Ilisimatusarfik nutaaq sanallugu aallartinneqarpoq

Nunatsinni Pinngortitamik Ilisimatusarnermik iIlinniarfik siulleq Nunatsinnilu Peqqissutsimik Ilisimatusarnermik Centeri sananeqarnera qaartitsilluni aallartinneqarpoq

Avataangiisinut, pinngortitamut inatsiseqarnermullu Naalakkersuisup Mala Høy Kúkop, Ilinniartitaanermullu, aammalu ilisimatusarnermut ilageeqarnermullu Naalakkersuisup Nivi Olsenip, ullumi pingasunngornermi ualikkut Nuummi sanaartugassaq aallartillugu ataatsimoorlutik qaarsoq illup toqqavissaa qaartippaat.

Siullerpaamik Kalaallit Nunaanni Pinngortitamik Ilisimatusarnermik ilinniarfimmik Peqqissutsimillu Ilisimatusarnerut Centerimik sanasoqassaaq.

Ilinniagaqarneq ineriartortinneqassaaq

Ilinniagaqarfiup 2017-imi atulernissaata tungaanut pinngortitamik ilisimatusarnermik ilinniagaqartitsineq inerIartortinneqassaaq Pinngortitaleriffimmidt, qallunaat nunaanni universitetit suleqatigalugit.

Tassani kandidatit issittumi pinngortitamik tunuliaqutallit ilisimatusarnermik, ingerlatsinermik ingerlatsivinnillu namminersortunik atuartinneqassapput.

Nunatsinni Peqqissutsimut Centeri, siusinnerusukkut namminerisaminik atortoqarsimanngitsoq, nutaamik ilisimatusarfiliornikkut peqqissutsimik ilisimatusarnini annertusisinnaalissavaa, Kalaallit Nunaannut iluaqutaasumik.

– Neriuppunga nutaanik avatangiiseqalernikkut Kalaallit Nunaanni ilinniagaqartitsineq ilisimatusarnerlu pitsaanerulerumaartut, taamaasillunilu ilinniagartuunik pinngortitamillu ilisimasaqarnermik tunuliaqutalinnik pisariaqartitanik pissarsisoqarsinnaalluni, Mala Høy Kúko oqarpoq.

Nunanut tamalaanut sanilliussinnaasoq

– Qaartitsineq una aamma inuusuttortartta periarfissaasa killissaannik qaartitsineruvoq. Pinngortitaleriffiup alllineqarneratigut nunatta oqaluttuarisaanerani siullermeersumik pinngortitamik ilisimatusarnermut ilinniagaqarfinnik, nunanut allanut sanilliunneqarsinnaasunik, pilersitsissaagut, taamatut oqarpoq ilinniartitaanermut naalakkersuisoq Nivi Olsen, ilisimatusarfiup toqqavissaanik qaartitseqataasoq.

Sanaartugaq, pequtai laboratoriamilu atortut immikkut ittut ilanngullugit 50 millioner koruuninik akeqassaaq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER