Skip to main content

Ilisimatooq: Piginnaasanik annertusaaneq nakkutilliinermi ajornartorsiummut aaqqiissutaanngilaq

Piginnaasanik annertusaanissaq milliardilinnik nalilik Kalaallit Nunaanni nakkutilliinermik pitsanngorsaagaluarpalluunniit, naalagaaffiit pissaanillit Kalaallit Nunaata Amerikallu Avannarliup silaannartaanni suli paasinqaratik ingerlaarsinnaassapput.

Danmarkimi Folketingimi ilaasortat Issittumi nakkutilliinerup pitsaanerulersinneqarnissaanut 1,5 milliarder koruuninik aningaasaliissuteqarnissamut akuersisimagluartut, Kalaallit Nunaata silaannartaani susoqarnersoq paaserusukkaanni taakku naammanngilluinnarput.

Taamatur oqarpoq sakkutooqarnermik misissueqqissaartartoq Jens Wenzel Kristoffersen, Folketingimi Kalaallit Nunaannut Ataatsimiititaliap aaqqissussaanik pingasunngormat tusarniaasoqarnerani.

- Suliassap imaa ajunngikkaluartoq, Kalaallit Nunaata silaannartaa radari atorlugu nakkutigineqarsinnaanngilaq. Naalagaaffiit allat Amerikap Avannarliup silaannartaanukarlutik, paasineqaratik Kalaallit Nunaata silaannartaatigoorsinnaapput, tamannalu naggataatigut Amerikamiut sillimaniarnermut politikkikkut soqutigisaannut ulorianartorsiortitsilersinnaavoq.

- Kalaallit Nunaannik nakkutilliiumagaanni taakku naammaginngilluinnarput, Københavns Universitetip Institut for Statskundskabiani sakkutooqarnermik misissueqqissaartartoq oqarpoq.

'Qularnaveeqqut'

Nunanut allanu Naalakkersuisup Pele Brobergip (N) piginnaasanik annertusaaniarneq Naalakkersuisut sakkulersortoqannginnissaannik kissaataannut naapertuutinngitsoq oqaatigimmagu, tamanna sapaatip akunnerini kingullerni oqallisaasimaqaaq.

Kalaallillu Nunaannut Ataatsimiititaliap tusarniaanerani sulianut ilisimasallit saqqummiinerminni piginnaasanik annertusaaniarneq ilannguttarpaat. 

Jens Wenzel Kristoffersen oqarpoq, piginnaasanik annertusaaneq soorunami Kalaallit Nunaanni sakkulersornertut isigineqarsinnaasoq:

- Aaamma Kalaallit Nunaannut sillimaniarnermut qularnaveeqqutitut isigineqarsinnaavoq. Pingaartumik Kalaallit Nunaata illersorneqarnissaa isumannaatsuunissaalu eqqarsaatigalugit, taanna oqarpoq.

Atortut aallaannissinnaanngitsut

 Seniorforsker ved Københavns Universitetimi seniorforskeri Kristian Søby Kristensen tusarniaasoqarnerani oqaaseqartup aapparaa, taassumalu oqaatigaa, sakkutuut atortui pineqaraluartut, taakku sakkuunngitsut:

- Suliassami sulisut atortullu amerlineqaraluartut, atortut aallaannissinnaanngillat. Nakkutilliinermut atortussiaapput. Annertusaanermut 1,5 milliarder koruunit atorneqartut qaasunnginnerpaanut atorneqartutut oqaatigineqarsinnaavoq, Københavns Universitetip Institut for Statskundskabiani seniorforskeri Kristian Søby Kristensen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER