Ilisimatooq: Nunatsinni equngasumik aningaasaliinerit

Illoqarfinni nunaqarfinnilu, nunap avammut tunisaatigut isertitsiffiunerpaasartuni, naammattumik aningaasaliineq ajorpugut, ilisimatooq oqarpoq, taannalu isumaqarpoq ajornartorsiutaasorujussuusoq Nuup siuariartornissaa kisimi sammineqarmat, isorliunerusut pinnagit.

Ilimanaq

Aalisarneq Kalaallit Nunaanni namminersorluni inuussutissarsiutit pingaarnersaraat, suliassaqartitsineq, naleqassutsimik pilersitsineq avammullu tuniniaaneq eqqarsaatigalugit. Aalisarneq akileraarutitigut akitsuutitigullu isertitaqarnermut aalajangiisuusumik pingaaruteqarpoq. Kalaallit Nunaanni Aningaasaqarnermut Siunnersuisoqatigiit nalunaarusiaminni kingullermi naqissusiipput.

Aviisi Sermitsiaq taama allappoq.

Taamaakkaluartoq allaanngilaq pisortat sumiiffinnut, Kalaallit Nunaata avammut tuniniaanermini isertitsiffiunerpaasarfiinut, aningaasaliiumaneq ajortut. Taamatut isumaqarpoq Center for
Arktisk Teknologimi, DTU, ilisimatooq Kåre Hendriksen, taannalu isumaqarpoq ajornartorsiutaasorujussuusoq Nuup siuariartornissaa kisimi sammineqarmat, isorliunerusut pinnagit.

– Tunngaviulluinnartumik nassuerutigiumaneqanngilaq Kalaallit Nunaat Qeqertakkaartumik ingerlatsiviummat, Qeqertallu tamarmik kalaallit avammut tuniniaanerminni isertitaannut assigiinngitsunik piler­suisarput. Nuullu innuttaasut amerlassusaannut uuttorlugu avammut tuniniaanermi isertitanut amerlanerpaanik pilersuisuunngilluinnarpoq. Akerlianik najugaqarfiit pisuujunerpaat tassaapput Upernaviup Uummannallu eqqaanni nunaqarfiit qitiusumik qaleraleqarfiit, tamakkunanilu aningaasaliisoqarneq ajorpoq, taamaattumillu ineriartortoqarani. Allaammi nunaqarfiit ilaat imermik pilersuiffeqanngillat, aali inoqutigiinnut uuttorlugu avammut tunisatigut isertitsinerpaasartut ilagigaat.

Nalingisa qaffariaatissaat avammut tunniunneqarput

Kåre Hendriksen isumaqarpoq aalisakkat nalingisigut siuariaataasinnaagaluartut annaaneqartut, tunisassiassat suliarineqanngitsut avammut tunineqartarmata.

– Naleqassutsikkut siuariaatissat Kalaallit Nunaannit nuunneqarput, pissutigalugu nunani siuarsagassani akissarsiat appasinnerummata. Tamannali peqatigalugu tamanna isumaqarpoq Kalaallit Nunaanni naalagaaffeeqqatut ajornartorsiut attatiinnaripput, tunisassiassanik suliarineqanngitsunik amerlasoorsuarnik avammut tuniniaallu-
ta. Taarsiullugu tunisassiassanik nunami tunisassiorneq annertusineqartuuppat illoqarfinni nunaqarfinnilu, pisuussutinik tamakkuninnga peqarfiulluartuni, nutaaliornermik siuariartornermillu pilersitsisoqarsinnaavoq. Tamatumunngali pisariaqarpoq pisortat imermik pilersuinermut kuuffinnullu annertuunik aningaasaliissuteqarnissaat, kiammi akuererusussavaa ullut tamaasa uffarsinnaannginneq imaluunniit anartarfimmik imermik errortortakkamik atuisinnaannginneq, tamakkuninnga atui-
sarneq sungiusimallugu, Kåre Hendriksen oqarpoq, taassumalu paasisinnaalluarpaa sumiiffinni aalisakkanik suliffissuit sulisus-
saaleqisarmata.

Aviisimi Sermitsiami atuarnerusinnaavutit, paasillugulu sooq Halibutip pisortaata ilisimatooq isumaqatigineraa. Aviisi uani ataani pisiarisinnaavat:

Powered by Labrador CMS