Ilisimatooq: Issittumi sakkulersorneq aallartippoq

Issittup eqqissisimatinneqarnera taamaatilerpoq, Center for Militære Studierimit André Kenn Jakobsen oqarpoq

Sidste år dukkede den kinesiske isbryder 'Snedragen' op i Nuuk Fjorden. Et klart tegn på, at Kina er ved at udforske de nye sejlruter.

Issittup eqqissisimatinneqarnissaa politikerinit pingaartinneqarluni saqqummiunneqartarpoq, tamanna ilaatigut Ilulissani isumaqatigiissutip ukiuni qulinngortorsiorneqarnerani Issittup eqqaaniittunit nunanit oqariartuutigineqarpoq.

Taamaattoq maanna nunanit pissaanilinnit Issittumi ineriartortitsisoqarpoq. Taamaattumik Issittup eqqissisimatinneqarnera tamaanga killeqariartuaarpoq, Københavns Universitetimit André Kenn Jakobsen oqarpoq.

- Issittumi sikuerukkiartornera ilutigalugu imaatigut angallassiffiusinnaasut misissorneqartalerput, taamaattumik Issittup soqutigineqarnera annersusiartuinnavippoq, Sermitsiaq.AG-mut oqarpoq.

Taamaattoqarnera Nunatsinni malunnaateqassaaq.

- USA-p, Ruslandip aamma Kinap Kalaallit Nunaanni maælunniutilernissaat naatsorsuussassaavoq, André Kenn Jakobsen oqarpoq.

Namminiilivinnissaq malinnaaffigineqarpoq
Kinap Kalaallit Nunaannut soqutiginnikkiartuaarnera André Kenn Jakobsen Dansk Institut for Internationale Studierimi (DIIS) pingasunngormat saqqummiussivoq. Kinap Issittumut aamma minnerunngitsumik Kalaallit Nunaannut soqutiginninnera annertuseriarsimasoq ilaatigut nalilerpaa. Taamaattumik USA malitsigisaanik iliuuseqarnissaa ilimagineqarpoq. Kalaallit Nunaata namminiilivikkusunnera tassungarpiaq tunngassuteqarpoq.

- Kalaallit Nunaata namminiilivinnissaa qanilliallassappat qanoq iliuuseqassanerlutik misissuleruttorpaat, qanormi Issittoq atorneqarsinnaanersoq paaserusuppaat, André Kenn Jakobsen oqarpoq.

- Kalaallit Nunaat Nato-mut ilaasortaarusuppa? Taamaattoqarusuttoq maanna takuneqarsinnaavoq. Kiniiserilli arlalitsigut aningaasaliissappata tamanna allanngortinneqariaannaavoq.

Nunanit pissaanilissuarnit soqutiginnittoqarnera siunissamut qulakkeerinninniarsarineruvoq.

Imaatigut angallannikkut Kinap soqutiginninnera siunissamut pilersaarusiornerusoq André Kenn Jakobsen naliliivoq.

- Taamaattoq Kina imaluunniit Rusland Issittumut Kalaallit Nunaannullu siunissamut pilersaarusiorniarnera USA-mit peqataaffigineqarusunngilluinnarpoq.

Powered by Labrador CMS