Skip to main content

Ilisimatooq: Danmarkip Nato-llu USA-mik ileqarnissaq pisariaqartippaat

Europa USA-p sakkutuuinit ikiorneqartarunnaassappat europamiut akisunaassavaat, centerimi pisortaq oqarpoq

Illersornissamut ministerip Trine Bramsenip (S) aviisimit Danmarkimit apersorneqarami Europami nunat kaammattorpai Nato-mi suleqatigiinnermi sakkutuutigut nukittorsaaneroqqullugit. 

Tamanna pivoq USA aamma taamatut peqqusereersoq, tassunga atatillugu tamatuma tusaaniarnissaa silatusaarnerussaaq.

Tassa Europamiunut pingaaruteqarmat sakkutooqarnikkut USA-mik ileqarnissaq, allanik periarfissaqannginneq pissutigalugu.

Københavns Universitetiani Center for Militære Studiermi pisortaq Henrik Breitenbauch taamatut oqarpoq.

- Europamiut amerikamiut peqataanngippata allanik ajornannginnerusunik akikinnerusunillu periarfissaqanngillat.

- Isumaqarpunga amerikamiut peqataanngippata tamanna Europamut ulorianarnerullunilu akisunerussasoq, Atlantikummi ilaani maani aningaasartuutissarpassuarnik unammillagassarpassuarnillu tamanna kinguneqarsinnaammat, Henrik Breitenbauch oqarpoq.

Illersonissamut ministeri apersorneqarnermini oqarpoq, 2018-imi danskit naalagaaffiani tunisat ataatsimut nalingisa 1,1 procentiinik illersornissamut aningaasartuuteqarsimanermit annerusumik illersonissamut aningaasartuutinik qaffaanikkut Danmark siuttunngortikkusullugu.

Ukioq manna siusinnerusukkut aalajangiunneqarpoq illersornissamut aningaasartuutaasartut qaffanneqassasut, taamaalilluni danskit naalagaaffianni tunisat ataatsimut nalingisa 1,5 procentii 2023-mi taakkununna atorneqartalissallutik. 

Trine Bramsen oqarpoq, USA-p kissaateqarneratut Danmarkip to procentinik aningaasartuuteqartalernissaa ilimaginnikkaluarlugu, suli annertunerusumik aningaasartuuteqartitsisalernissamut piumassuseqarluni. 

Henrik Breitenbauchip erseqqissaatigaa, taamatut oqaaseqarnermut ilaatigut tunngaviusoq, decembarip qaammataata aallartinnerani Nato-mi ataatsimeersuartoqartussaanera, Danmarkillu to procentimik aningaasaliissuteqartarnissamik siusinnerusukkut politikkikkut - pituttuisuunngitsumillu - neriorsuisimanerata piviusunngorsinnaannginnerata erseqqilluinnarnera. 

Trine Bramsenip Europami nunat akornanni illersornissamut aningaasaliissuteqarnerunissamik kaammattuinermi saniatigut siunnersuutigaa, Illersornissamut qanoq amerlatigisunik aningaasaliissuteqartarnerup uuttuutigineqartarneranut sanilliullugu Nato allatigut uuttuinerusariaqartoq. 

Henrik Breitenbauch tassunga atatillugu oqarpoq:

- Tassunga atatillugu Danmarkimit kissaatigineqaroq, suliarisimasat uuttuutigineqarnerusariaqartut. 

- Tamanna qangali oqaatigisarsimavarput, suliassanullu siullernut ilaalluta peqataasaratta taamatut oqarnissamut tunngavissaqarluarpugut. 

- Aammali taamatut oqartarnitsinnut tunngaviuvoq, aningaasaliissutigisartakkatsinnik qaffaarusunnginnerput, Henrik Breitenbauch oqapoq. 

Danmark naalagaaffimmi tunisat ataatsimut nalingisa to procentiinik illersornissamut aningaasartuuteqartalissappat immikkut 17 milliarder koruunit nassaariniarneqartariaqassapput.

Ministeeriaqarfiit arlallit akimorlugit misissueqqissaartartut illersornissamut aningaasaliissutaasartut qanoq qaffanneqarsinnaanersut maanna misissussavaat. Ilaatigut aningaasartuutigineqartartut ullumikkut ilanngullugit naatsorsorneqarneq ajortut ilanngullugit naatsorsorneqartalersinnaanersut misissussavaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER