Skip to main content

Ilisimatooq naggataarutaasumik oqallititsinissaq pillugu: Sakkortuumik oqallittoqarsinnaavoq

Qinersinissamut atatillugu partiini siulittaasut oqallitsinneqassapput, tamanna KNR-ikkut aallakaatinneqassaaq.

Qinersisartut 32 procentiisa missaat suli kina qinersinermi taassanerlugu suli aalajanginngitsut qinersisartunut isumasiuinerup takutippaa. Taakku partiit siuttuisa naggataarutaasumik oqallitsinneqarneranni tiguarneqarniarneqassapput.

Partiinummi ilaannut oqallinneq pingaaruteqarsinnaavoq, partiimmi ilaat isumasiuinerup takutippaa Inatsisartunut isertitaqassanngitsut, taamaattumik naggataarutaasumik oqallinneq pingaaruteqarluarsinnaavoq.

- Qineqqusaarneq nalinginnaasumik ingerlanneqarpoq, partiit pingaartitaat oqallinnerni peqataatinneqartarput qineqqusaarutitik saqqummiuttarlugit, Ilisimatusarfimmi adjunkti Rasmus Leander Nielsen Sermitsiaq.AG-mut oqarpoq.

- Partiit siulittaasui maanna oqallitissapput. Siumut qineqqusaarnerup naggataani takutitsilluartarpoq, taamaattoq isumasiuinerup aviisimi AG-mi atuarneqarsinnaasumi IA Inatsisartuni partiini anginerpaanngoqqunagu sukataartariaqarpoq, Rasmus Leander Nielsen oqarpoq.

Ilaasortamik naleqarsinnaasoq

Isumasiuinerup takutippaa Demokraatit pingasunik imaluunniit sisamanik Inatsisartuni ilaasortaatitaqalissasoq. Suleqatigiissitsisut aamma Nunatta Qitornai Inatsisartuni ilaasortaatitaqarunnaassasut isumasiuinerup aamma takutippaa, taamaattumik oqallinneq pingaaruteqartuusoq oqarpoq.

Isumasiuinermi IA-p siuttuunini illersorniassavaa, taamaattoq qinersinermi angusat kisimik apeqqutaasussaasut aamma partiimit ilisimaneqarpoq.

Oqallinnissaq pingaaruteqaqimmat oqallinneq sakkortusinnaasoq Rasmus Leander Nielsen oqarpoq.

- Qineqqusaarnermi partiit isumaqatigiittorujussuupput, eqqissisimasumik qineqqusaartoqarluni. Unnugu oqallinnermi apeqqutini pingaarutilinni soorlu Kuannersuit pillugit suliami aamma aalisarnermut politikkimi partiit qanoq isumaqarnerat, assigiinngissusaallu ersersinnaavoq.

Sakkortuuliorpallaartoqannginnissaa neriuutigaa

Appisaluussineq iluaqutitaqanngitsoq ilisimatuup oqaatigaa.

- Politikkikkut illuatungerisat kukkussutigisimasaat isornartorsiorneqarsinnaapput, taamaattoq ingattarserluni isornartorsiuineq aamma kukkunerusinnaavoq. Ukiuni kingullerni politikkikkut inissisimaneq qiviaraanni, akersuunnerpassuaqarpoq. Una ilisimasariaqarpoq, tassa qinersisartut politikerit akerartuuttut qatsuppaat, Rasmus Leander Nielsen oqarpoq.

Ersarissumik paasinartumillu saqqummiussisut qinersisartut takorusunnerusaraat oqaatigaa.

- Oqariartuutit ersarissumik anninneqassapput, taamaattoq aamma nalilersuilluartoqartariaqarpoq - kukkugaanni politikkikkut illuatungerisat atorluarsinnaavaat, Rasmus Leander Nielsen oqarpoq.

Isumasiuineq pillugu allaaserisat Sermitsiami atuakkit. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER