Skip to main content

Ilisimasat ilisimatusarnermik tunngavillit

Hans Aronsenip IA-meersup paaserusuppaa meeqqat atuarfianni aturtitsinerup ineriartortinneqarnerani ilisimasat ilisimatusarnermik tunngavillit atorneqarnersut

Inuusuttut amerlanerusut ilinniagaqartaleraluartut suli inuusuttorpassuaqarpoq piginnaatitsisumik ilinniarsimanngisaannartunik. Politikkikkut nalinginnaasumik isumaqatigiissutigineqarpoq inuusuttut,  meeqqat atuarfiannit anisut amerlavallaartut ingerlaqqinneq ajortut. Tamatuma saniatigut isumaqatigiissutigineqarpoq meeqqat atuarfiata kingorna aningaasarpassuit atorneqartariaqartut inuusuttut ilisimasaat pitsanngorsarniarlugit, taamaasilluni inuusuttut ilinniagaqarfiinut isersinnaanngorlugit.
Taamaattumik Inatsisartunut ilaasortap Hans Aronsenip, IA, paaserusuppaa ilinniagaqarfiit pitsanngorsarniarlugit ilisimasat ilisimatusarnermik tunngavillit atorneqarnersut.
– Inatsisartut ukiuni kingullerni meeqqat atuarfiat, meeqqeriviit, Ilisimatusarfik ilinniagaqarfiillu allat oqaluuseralugillu inatsisiliorfigigaangamikkit Naalakkersuisunut ilaasortat nikerartut siunniuttarsimavaat ilinniagaqarfiit assigiinngitsut ilisimasanik ilisimatusarnermit tunngavilinnik, kulturimik oqaluttuarisaanermillu Kalaallit Nunaanni katersorneqarsimasumik aallaaveqartariaqartut, Hans Aronsen paragraf 37 naapertorlugu apeqqummini allappoq.
– Paaserusuppara ingerlanniagaq qanoq siuarsimatiginersoq qanorlu ingerlanersoq, taanna allappoq.
Hans Aronsen aperivoq meeqqat ilinniagaqarnerat piginnaasallu pissarsiaat ilisimatusarnikkut malinnaavigineqarnersut.
Tamatuma saniatigut paaserusuppaa ilisimasat ilisimatusarnermik tunngavillit nutaajunerpaat meeqqat atuarfianni ilinniagaqarfinnilu allani atorneqarnersut, tamatumunngalu atatillugu Ilinniarfissuarmi professorip nutaap suliassai suunersut.
Kiisalu paaserusuppaa ukiuni kingullerni qulini ilinniagaqartut qassit, kalaallinit inuiaqatigiinnit aningaasalerneqartut, ph.d.-gradimik angusaqarsimanersut, taakkunanngalu qassit kalaallisut oqaasiliunersut.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER