Ilisimasallit nunanit allaneersut: Oqaatsit tulluusimaarutigisigik
”Nunatsinni kalaallit oqaasiinik ilinniartitsisutsialak”-mik ukiut tamaasa kajumissaasiisoqartalernissaa ilisimatuut siunnersuutigaat. Meeqqat atuartut namminneq oqaatsiminnik aamma nuannaarutiginnillutillu tulluusimaarutiginninnerusariaqarput.
Meeqqat atuarfianni qallunaat imaluunniit tuluit oqaasii meeqqat atuarfianni takornartat oqaasiisut siullertut ilinniartitsissutigineqalernissaannik oqallinnermi kissaammersitsisartumut atatillugu kalaallit oqaasiinut tunngasumik nutaarsiassaqarpoq:
Tassami oqaatsit pillugit nalunaarusiami nutaami oqaatigineqarpoq oqaatsivut atuarfinni annertuumik pitsaasumillu ineriartortinneqartariaqartut. Meeqqat namminneq oqaatsiminnik tulluusimaarutiginnillutillu nuannaarutiginninnissaat, inuiaqatigiit tamarmiullutik aamma suliassaraat.
AG allappoq.
- Oqaatsit ajornartorsiutitut taamaallaat isigineqaratik, aammali isumalluutitut periarfissiisutullu isigineqarnissaat pingaaruteqarpoq. Tamatumani immikkut isiginiarneqartariaqartut tassaapput kalaallit oqaasii attaveqaqatigiittarnermut, misigisaqartarnermut pimoorussinermullu atorneqarnerusariaqartut, ajornartorsiutitullu isigineqaratik isumalluutitut isigineqassallutik, ilisimatuut, qallunaap, Islandimiup aamma Canadamiup, Naalakkersuisunit suliakkerneqarlutik Nunatsinni oqaatsit pingaaruteqassusiannik nalunaarusiaminni tamanna oqaatigaat.
- Ukiumoortumik unammisitsisoqartalersinnaavoq, Ukiup Kalaallisut Ilinniartitsisutsialaanik toqqaasoqartalerluni. Kalaallit Oqaasiisa Ulloqartinneqarnerat aamma iliuuseqarfiunerusinnaavoq. Tamatumunnga atatillugu tusagassiorfiit isummersortartullu akuutinneqarnerunissaat pingaaruteqarpoq, immikkut ilisimasallit taama innersuussuteqarput.
Allaaserineqartoq aviisimi AG-mi, aqagu pingasunngornermi saqqummertussami, atuarneqarsinnaavoq. Aviisi uani pisiarineqarsinnaalereerpoq: