Skip to main content

Ilisimasalik: Kalaallit Nunaanni misissueriaaseq ajunngilaq

Nunami maani inuit misissugassanik tigusiffigineqartartut amerlassusaat, nunarpassuarnit allanit ikinnerungaluarlutik naapertuupput, ilisimasalik oqarpoq.

Kalaallit Nunaanni misissugassanik ikinnerusunik tigusisoqartarnera, tuniluunnerup killiffiinut assigiinngitsunut naapertuuppoq, Statens Serum Insitutimi nappaatinut tuniluuttut pinaveersaartitsinermullu nakorsaaneq Anders Koch Sermitsiaq.AG-mut nassuiaavoq.

Taanna isumaqarpoq, sapinngisamik amerlanerpaat misissugassanik tigusiffiniarlugit periusissiaq Kalaallit Nunaanni maannakkorpiaq inissisimasoqarneranut naapertuutinngitsoq.

- Kalaallit Nunaanni ”siaruatsaaliuineq” atuutsillugu aamma maannamut tunillatsissimasut saniatigut allanik suli nassaartoqartinnagut, suliniutigineqartoq maanna eqqortuuvoq, ilisimasalik oqarpoq.

- Inuit angalasimasullutik imaluunniit tunillatsissimasunik ikittunnguanik attaveqarsimallutik ippigisaqalersimasut kisimik misissugassanik tigussiffigineqartarnerat isumatusaarneruvoq, taanna oqarpoq.

Peqqinnissaqarfimmi sulisut aallartinnagit misissuiffineqartartut

Arfininngormat angallannissaq inerteqqutaalermat, peqqinnissaqarfimmi suisut Danmarkimit maanga tikittartut misissuiffigineqartarnissaat sukateriffigineqarpoq.

Nunami innuuttaasut misissuiffigineqarsimasut procentinngorlugit ima isikkoqarput

Sverige 1,43 procent

Norge 1,22 procent 

Italien 3,45 procent

Island 2,8 procent

Savalimmiut 5,13 procent 

Danmark 0,26 procent 

Grønland 0,50 procent 

Nuuk 1,1 procent 

Najoqqutarisaq: Our World in Data

- Rigshopitalimut isumaqatigiissuteqarfigisimavarput, inuit arlaannik pissuteqarlutik Kalaallit Nunaannukartussat aallartinnagit misissugassanik tigusiffineqartarnissaat, Anders Koch oqarpoq.

Taassuma erseqqissaatigaa, nunanit amerlanerujussuarnik misissuisoqartarnissaanik aalajangersimasunit, Kalaallit Nunaanni maanna inissisimasoqarnera allaanerujussuusoq.

Anders Kochip oqaatigaa, Italiami nunat eqqugaanerpaat ilaanni, ullormi tunillatsissimasut marlooriarlutik, aqanguani sisamanngorsimasut, ullullu pingajussaani 128-nngorsimsut. Kalaallit Nunaanni taamatut inissisimasoqanngilluinnartoq, ilisimasalik isumaqarpoq.

Situationen er kontrolleret

Taassuma ernumassutiginngilaa, Kalaallit Nunaanni tunillatsissimallutik suli paasineqanngitsunik inuppassuaqarsinnaanera. Tunillatsissimasummi amerlanerpaartaat ullut tallimat arfineq-marlullu ingerlareerneranni aatsaat nappaatip malunniutaanik malugisaqalersarmata, ataasiakkaat malugisaqarlernissaannut ullut aqqaneq-marluk ingerlasinnaasarput. Taamaammat nalunartu pillugit ulluni 14-ini mattusimatitsisoqartarpoq.

- Maannamut iliuuserineqartut atorlugit suliaqarnermi, pisoq aqukkuminaatsutut isikkoqanngilaq, taanna oqarpoq.

Sineriammi inuppassuarnik suli misissuisoqarsimanngilaq, tamanna aarlerinarsinnaasunik nalilersuinermut naapertuuppoq, nakorsaaneq oqarpoq.

- Sineriammimi inuit Nuummiusulli angalavallaanngillat, Nuup avataani aamma suli tunillatsissimasunik nassaartoqanngilaq. Illoqarfiit pingaarnersaanni misissuinissamut malittarisassat assigalugit sineriammi misissuisoqassappat, ikinneerarsuuit misissugassanngussapput, Anders Koch oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER