Skip to main content

Ilisimasalik: Air Greenlandip aktiaasa nalingi naammaginarput

Air Greenlandip aktiaasa 738 million koruuninik naleqarnerarneqarnerat Sydbankip aktianik naliliisartuanit Jacob Pedersen naammagineqartutut isigineqarpoq

Timmisartuutileqatigiiffiit aktiaataannik ukiorpassuarni nalilersuisartuisarsoq Jacob Pedersenip Air Greenlandip aktiaataasa 738 million koruuninik nalilerneqarnerat tulluartuusoraa.

Danskit naalagaaffiata timmisartortitsiseqatigiiffimmi aktiat 25 procentii ullumikkut pigai, SAS-ip 37,5 procentit. Ingerlatseqatigiiffiup 62,5 procentii taakku maanna nalingat aalajangerneqarpoq, Sermitsiaq.AG taama tusagaqarpoq.

SAS aamma Naalagaaffik 
Air Greenland 737,6 millionit koruuninik akilerneqarsimaneranik tamanna isumaqarpoq, taakkulu aningaasanit nammineq pigisanit 700 millionit koruuniusunit 2017-imut naatsorsuutini naatsorsorneqarsimasunit amerlanerulaarpoq.

Tamakkiisumik piginnittunngornissamut akiliineq iluanaarutinik 461 millionit koruuninik Naalagaaffimmut aamma SAS-imut pissasoq, Sermitsiaq.AG-p tusarpaa.

Nalilersuinerit
- Air Greenlandip aktiaasa nalilersorneqarnerat timmisartuutileqatigiiffinnik allanik nalilersuinernit allaaneruvoq, tassami pissutsit allaapput aamma angallannerup allaanerusumik aaqqissorneqarnissaa nalilersuinermut peqataasussaavoq, kiisalu aamma siunissamut pisiortornissat aamma nalilersuinermut peqataasussaallutik, Sydbankimi nalilersuisartoq Sermitsiaq.AG-mut oqarpoq.

Air Greenland pillugu Inatsisartuni aningaasaqarnermut akileraartarnermullu ataatsimiititaliaq ullumi tallimanngornermi ataatsimiippoq. 

Paasissutissat isertuuttut Sermitsiaq.AG-mut saqqummiunneqarsimanerat pillugu ataatsimiititaliami siulittaasoq Hermann Berthelsen, ataatsimiititaliami ilaasortanut sukannersumik oqaluussivoq.

Air Greenland ataatsimiinnermi eqqartorneqartoq Hermann Berthelsenip uppernarsarpaa, ataasinngorpat sammisaq pillugu ataatsimiittoqaqqissasoq ilisimatitsissutigalugu.
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER