Skip to main content

Ilisimasalik: Akit assigiisinneqarnerinut akiligassaq kingusinnerusukkut takkutissaaq

Innaallagissap erngullu tamanut assigiinngimmik akeqalersinneqarneranik eqqussineq eqqortumik ingerlanerunngilaq. Anders Møller Christensen, Nationalbandkenimut siunnersorti taama isuamqarpoq.

Aappaagu innaallagissap erngullu akii nunaqarfinni isorliunerusunilu akikinnerulissapput. Inuussutissarsiornermut, niuernermut, suliffeqarnermut nukissiornermullu naalakkersuisoq, Hans Enoksen (PN) oktobarip 24-anni taama nalunaaruteqarpoq. Kisianni akit nunaqarfinni appartinneqaraluartut illoqarfinni qaffanneqanngilaq. Nutaamik aaqqiissuteqartoqarnerani aamma nunap karsia aningaasartuuteqarnerulinngilaq.

Aammattaaq soorlu akit appartinneqarnerat akiligassartaqanngitsoq. Tamanna ilumuussaguni pitsaavallaassaaq. Taamaapporlu. Tassami akiligassartarpoq, kingusinnerusukkut takkukkumaarpoq, Anders Møller Christensen Nationalbankenimeersoq oqarpoq.

Taarsigassarsiat sivitsorneqartut
Tassami akit apparneqarnerisa ilaat Nukissiorfiit Namminersorlutik Oqartussanit taarsersugaasa akilerneqarnerisa sivitsorneqarnerisigut aningaasalersorneqarpoq.

- Tassa assigiinnarpaa nutaamik taarsigassarsineq, Anders Møller Christensen Sermitsiaq.AG-mut oqarpoq.

Taanna Nationalbankenimut siunnersortaavoq Kalaallit Nunaat immikkut ilisimasaqarfigalugu, nunattalu aningaasaqarneranik ilisimasaqarluarpoq.

- Akiligassaq nunap karsianut imaluunniit innaallagissamik imermik atuisunut tukkumaarpoq, Anders Møller Christensen oqarpoq.

- Taarsigassat suli akilertinnagit pisariaqartitsisoqalerpat taakku aningaasat amigaataalersinnaanerat ajornartorsiutaavoq.

- Eqqunngitsumik ingerlaneq
Akiligassap annertoorujussuunissaa Anders Møller Christensenip ilimaginngilaa. Kisianni tunngaviusumik eqqunngitsumik ingerlanerusoq isumaqarpoq.

- Tunngaviusumik aningaasaqarnikkut attasisinnaaneq nukilaannerulersinneqarpoq, tamanna uanga naammagisimaanngilaq - naak aamma annikikkaluartoq.

Aamma akit assigiinnissaannut isuma eqqunngitsumik ingerlanerusoq økonomi naliliivoq. Innaallagiamik imermillu pilersuinermi akit piviusut atuinermut akinut naleqquttariaqartut taanna isumaqarpoq. Taamaanngippat akinik appaaffiusuni toqqorteraluni tapiissuteqarneruvoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER