Ilinniartut: Nunarput nammineq tunngaviusumik inatsiseqartariaqarpoq

Ilinniartut 96 procentiisa Tunngaviusumik Inatsisissaq pillugu Isumalioqatigiissitap suliaminik Ilisimatusarfimmi saqqummiussineranut peqataasut kissaatigaat, Nunatta nammineq tunngaviusumik inatsiseqarnissaa.

Forfatningskommissionen har været i Ilisimatusarfik. Her kommer det frem, at 96 procent af de studerende som deltog under debatten ønsker selvstændighed - Forfatningskommissionen
Forfatningskommissionen har været i Ilisimatusarfik. Her kommer det frem, at 96 procent af de studerende som deltog under debatten ønsker selvstændighed - Forfatningskommissionen
Forfatningskommissionen har været i Ilisimatusarfik. Her kommer det frem, at 96 procent af de studerende som deltog under debatten ønsker selvstændighed - Forfatningskommissionen

Tunngaviusumik Inatsisissaq pillugu Isumalioqatigiissitaq Ilisimatusarfimmut pulaarsimavoq, tassani ilaatigut inatsit tunngaviusussaq pillugu isumalioqatigiissitap taassumalu allattoqarfiata suliai saqqummiunneqarlutik. Allattoqarfimmit naalakkersueriaatsit assigiinngitsut saqqummiunneqarput, peqatigitillugulu ilinniartut isumaat tusarniarneqarlutik. Namminersulivinnissaq pillugu uummaarissumik oqallittoqarpoq, tassani ilinniartut arlallit namminiilivittoqarnissaanik kissaateqarlutik.

- Isumaqarama inuiaqatigiit allamut naalagaaffimmut pituttorsimanata nammineq
peqalernissamut piffissanngortoq, pisuussutit uumassusillit uumaatsullu nammineq
iluaqutigilernerussagatsigit Naalagaaffinnullu allanut niueqateqalernissamut
ammaassissammat. Massakkut naalagaaffitta atornerluppallaarpaatigut, Ilisimatusarfimmi ilinniartoq oqarpoq.

Inatsit tunngaviusussaq pillugu isumalioqatigiissitap suliai pillugi oqallitsitsinermut ilinniartut 50-it missaanniittut peqataapput, tassanilu naalakkersueriaatsit assigiinngitsut oqallisigineqarlutik.

Ilisimatusarfimmi ilinniartut 96 procentii isumaqarput, Nunarput namminereq tunngaviusumik inatsiseqartariaqartoq, ilinniartulli fire procentii akerlianik isumaqarlutik.

Inatsisartunik Naalakkersuisoqarneq tulluarnerusoq

Tunngaviusumik inatsisissap oqallisigineqarnerata saniatigut naalakkersueriaatsit assigiinngitsut aamma oqallisigineqarput. Ilinniartut 50-it missaanniittut amerlanersaasa kissaatigaat Inatsisartunik Naalakkersuisoqartoqarnissaa. Ilinniartut 44 procentii isumaqarput, Danmarki naligalugu naalagaaffeqatigineqassasoq, fore procentiilu isumaqarlutik Nunarput namminerisamik præsidenteqartariaqartoq.

- Inatsisartoqarneq maannakkut atuuttoq ajunngimmat. Tulluusaanassaaq namminerisamik inatsiseqalerutta, Ilisimatusarfimmi ilinniartoq ataaseq tunngavilersuivoq.

Allali isumaqarpoq, ullumikkut naalakkersueriaaseq atuutoq Nunatsinnut naapertuulluartoq.

- Kalaallit Nunaat suli taperserneqarnissaminik pisariaqartitsivoq oqartussaaffiinni
angerlanneqartussani namminersulivissappat, soorlu ukunani: peqqinneq, aningaasaqarneq illersugaanerlu, ilinniartoq ataaseq oqarpoq.

Tunngaviusumik inatsisissaq pillugu Isumalioqatigiissitap inuusutut isumaat pillugit nalunaarusiaannit inuusuttut isumaat tigulaariffigineqarput.

Tunngaviusumik inatsisissaq pillugu Isumalioqatigiissitaq ilisimasanik avitseqateqarusuttoq

Ilisimatusarfimmut pulaarnermi ilisimasanik ilinniartunik avitseqateqarnissaq siunerarinearpoq.

- Ilisimatusarfimmi saqqummiinermi persiaaseq iluatsilluarpoq, siunissamilu aamma pisussani aggersuni taamak aaqqissorneqartarumaarput allattoqarfik qanimut suleqatigalugu. Tunngaviusumik inatsisisssaq pillugu Isumalioqatigiissitap Inatsisip tunngaviusussap suliarineqarneranut innuttaasut tamarmik peqataatinneqarnissaat pingaartippaa, isumalioqatigiissitap innuttaasut piginneqataanissaat pingaartikkamiuk, Tunngaviusumik Inatsisissaq pillugu Isumalioqatigiissitami siulittaasoq Ineqi Skourup Kielsen oqarpoq.

Powered by Labrador CMS