Skip to main content

Ilinniartut ineqarfia ikuallannikoq putsumut kalerrisaaruteqanngitsoq

Ilinniartut ineqarfiat Sisimiuniittoq sisamanngormat unnuakkut ikuallammat inuit marluk silamit nilliarpaluttunit itertinneqarsimanngitsuuppata ajorluinnartumik kinguneqarsimassagaluarpoq. Ilinniartummi ineqarfiani pujoq annertooq ulorianartorlu annertusiartormat inuusuttunut kalleriisinnaasumik putsumut kallerisaaruteqanngilaq.

Inuusuttut marluk ilinniartut sisamanngormat unnuakkut ikuallattoqarmat iterput, pujoqangaarmat ineeqqaminniit taamalu illorsuarmiit aniniarnerat ajornakusoorsimaqaaq.

Ataatsimut igaffimmi ikuallanneq aallartissimavoq, torsuusaq ima pujortigisimavoq allaat aniniarluni sumut ingerlanissaq nalunarsimalluni.

Anaanaq tupassimaqisoq

Ilinniartumut ataatsimut anaanaasupoq, Naj Christensenip, ilinniartut ineqarfiata ikuallattoqarneranut kalerrisaaruteqartoqannginnera assut tupaatigisimavaa, isumaqarlunilu illumut tunngatillugu maleruaqqusat allanngortinneqartariaqalersut.

Sisimiuni upalungaarsimasut pisortaata Ole Kreutzmannip Sermitsiaq.AG-mut ilisimatitsissutigaa, ilinniartut ineqarfiinut tunngatillugit maleruaqqusani putsumut kallerisaarummik atortortuliisoqarnissaanut piumasaqaatitaqanngitsut.

- Vi kan kun henstille og anbefale de ansvarlige for bygningerne, at de installerer røgalarmer, forklarer Ole Kreutzmann, der ser frem til, at reglerne på dette område hurtigst muligt bliver revideret.

De ansvarlige kontaktet

Sisamanngormat ikuallattoqareersoq, qujanartumik inuup inuuneranik naleqanngitsumik, Sisimiut Qatserisarfiani pisortap Poul Olsenip Sisisimiuni ilinniartut ineqarfissaannik sanaartortoqarnerani akisussaasut putsumut kalerrisaarutinik ikkussuisoqarnissaanik qinnuigisimavai

Nunami tamarmik sumiiffiit arfineq-marluk ilinniartunut ineqarfeqarput, taakkulu inuusuttunit 2.500-ngajalluinnarnit najugarfigineqarlutik. Ilinniartut ineqarfii qassit, pujoq ussittorujussuanngortinnagu ulorianarsitinnagulu najugaqartunut kalerrisaarisinnaasumik putsumut kalerrisaaruteqarnersut ilisimaneqanngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER