ilinniagaqarneq
Ilinniartitsisut nutaat
Meeqqat atuarfianni ilinniartitsisut nutaat 42-t tallimanngormat Ilinniarfissuarmit soraarummeerput
Upernaaq meeqqat atuarfiata nalilersorneqarnera aamma ilinniartitsisutut ilinniagaqarnermut pingaaruteqarpoq, Ilisimatusarfimmi Institut for Læring-imi ilinniarfimmi pisortaq Dorthe Korneliussen ukioq manna ilinniartitsisut nutaat allagartartaartinneqarnerannut, tallimanngormat Minihallen-imi pisumut, atatillugu.
– Naliliinermi ilinniartitsisuuneq, taamalu ilinniartitsisutut ilinniagaqarneq, immikkut sammineqarsimapput, Dorthe Korneliussen tikkuaavoq, taannalu isumaqarpoq pingaaruteqartoq ilinniartitsisuunerup tamatigut eqqumaffigineqarnissaa.
– Meeqqat atuarfianni ajornartorsiutit iluarsiniarnissaannut suleqataarusuppugut. Tamanna peqatigalugu aamma pitsaasortai takutikkusuppavut, Dorthe Korneliussen soraarummeersitsinermut atatillugu tusagassiorfinnut nalunaarutikkut oqarpoq.
– Taamaammat nuannaarutigaarput ukioq manna aamma amerlasuunik ilinniartitsisutut bachelorinngortunik tunniussaqarsinnaagatta, taanna oqarpoq.
Bachelorinngortut tallimanngormat juunip 12-anni Ilinniarfissuarmi Minihal-imi persuarsiortumik allagartartaartinneqarput. Soraarummeersitsinermi pisortaq oqalugiarpoq aammalu ilinniartumik oqalugiartoqarluni, erinarsoqatigiittoqarpoq, nipilersornermik akunniliisoqarpoq præmiasisitsisoqarlunilu, Dorthe Korneliussen paasissutissiivoq.
Ilinniartitsisunngortut 42-t tassaapput Paninguaq Broberg, Karline Dahl, Lona Dahl, Johanne Egede, Mette Hammeken, Kistînârak Heilmann, Najannguaq Inûsugtoq, Angunnguaq Jakobsen, Linda Knudsen, Ane Kristiansen, Jørgen Kristiansen, Lippinnguaq Martensen, Aviaaja Mathæusen, Erina Møller, Paneeraq Nielsen, Miiannguaq Olsvig, Maalia Willumsen, Sabrina Zeeb, Marie Eriksen, Sofie Hansen, Pia Jakobsen, Erna Jensen, Maja Jensen, Ane Mette Karlsen, Nina Løvstrøm, Aaqa Mathiassen, Angerlartunnguaq Petersen, Nuka Pivat, Aka Sandgreen, Inaluk Zeeb, Nuànguak Berglund, Inukkuluk Amgajo Brandt, Kim Eriksen, Naasunnguaq Heilmann, Est Mrie Inûsugtok, Sàmînànguak Joelsen, Knud Larsen, Ane Mette Mølgaard, Najannguaq Nielsen, Miki Olsen, Fia Rødgaard aamma Olsen Svensen.