Ilinniartitsisut: Nivi, akisussaaffimmik qimarratiginnipputit

Ilinniarnermut naalakkersuisoq, Nivi Olsen (D), atuarfimmi aqutsisut akisussaaffimmik tigusinissaat ujartorpaa. Taakkua qulakkiissavaat, atuartut tamaavimmik pilersaarusiorfigineqarnissaat, meeqqat atuarfiat angusarissaarnissaarlutik ilinniaqqinnissamullu piareerlutik qimannissaat. AG taama allappoq.

Atuaruk: Inuusuttut meeqqat atuarfianit anereerlutik unittoortartut amerlavallaaqaat

40 procentit ingerlaqqinneq ajortut
Atuartut soraarummeertut 40 procentii ukioq manna ilinniaqqissimanngitsut kisitsisit ilinniarti-taanermut naalakkersuisoqarfimmeersut kingulliit takutippaat.

- Paasivarput atuarfiit arlallit pilersaarusiorneq ajortut. Tamannalu meeqqanik inuusuttunillu annaasaqaataavoq, tassami angusarissaarnatik meeqqat atuarfiannik naammassinnikkaangamik ilinniaqqiffissanut ingerlariaqqiffissa- minnut isersinnaanasanngillat, Nivi Olsen AG-mut oqarpoq.

Atuaruk: Imak: Kommunit meeqqat atuarfiinik kivitsisinnaanngillat

Imminut qiviarneq
Ilinniartitsisut kattuffiat IMAK tusagassiorfinnut nalunaarumminni Nivi OIsen killormoortuanik imminut qiviaqquaa, meeqqat atuarfiinullu Naalakkersuisut qanoq ittunik sinaakkusersuinersut takullugu.

- Ukioq manna qassissaanniiugaluarnersoq ilinniartitaanermut naalakkersuisoq, Nivi Olsen, atuarfiup ingerlanneqarneranut allanik pisuutitsisaqattaarluni tusagassiutitigut saqqummerpoq. Atuarfimmut inatsit Naalakkersuisumut arlalinnik pisussaaffiliivoq, massakkumut qimarratigisaqattaagaanik. Pissutsit qimarratigisaqattaarunnaarlugit akisussaaffimmik tigusariaqarpoq, IMAK-mi siulittaasoq Sivso Dorph taama isornartorsiuivoq.

Atuaruk: Atuarfik pillugu ilinniartitsisut oqallissapput

Misissuineq
Taassuma tikkuartorpaa, inatsit nutarterneqarmalli ukiut pingasunngulertut. Tamatumunngalu tunngatillugu naalakkersuisup nammineq qanoq iliuuseqarsimanerluni takusariaqaraa, siulittaasoq erseqqissaavoq, ukunani Naalakkersuisut akisussaaffeqarmata:

• Immikkut ittumik atuartitsinermi ilinniartitsisut immikkut atuartitsinermik ilinniagaqarsimasut imaluunniit allatut iliorlutik pisariaqartunik piginnaasaqalersimasut atuartitsisassapput.
• Aqutsisunut pisortanillu pikkorissartitsisarneq, ilinniartitseqqittarneq ingerlaqqiffiusumillu ilinniartitseqqittarneq periarfissaassaaq

• Naalakkersuisut ilisimasanik eqiterineq aamma siammarterineq isumagissavaat meeqqat atuarfiannik kommunalbestyrelsip isumaginninnera nukittorsarniarlugu aamma nukinnik atorluaaneq sapinngisaq annertunerpaaq anguniarlugu

• Kiisalu Naalakkersuisut sulinniutit sunniutaannik uuttuineq isumagissavaat ukunani: immikkut ittumik atuartitsineq, efterskolernerit, siunnersuinerit il.il.

Nivi Olsenip isornartorsiuinera AG-mi saqqummertumi kingullermi atuaruk. Aviisi pisiniarfimmi imaluunniit uani ataani e-avisitut pisiarisinnaavat:

AG Uge 47 2015

Klik her for at læse